నెట్లో ప్రత్యక్షమైన సైరా షూటింగ్ చిత్రాలు

ఎన్ని జాగ్రత్తలు తీసుకున్నప్పటికీ స్టార్ హీరోల సినిమా షూటింగ్ ఫోటోలు నెట్లో ప్రత్యక్షం అవుతున్నాయి. రెండు రోజుల క్రితమే ఎన్టీఆర్, త్రివిక్రమ్ కలయికలో రూపుదిద్దుకుంటున్న అరవింద సమేత వీర రాఘవ చిత్రానికి సంబంధించిన ఫోటోలు లీక్ అయ్యాయి. తాజాగా నేడు మెగాస్టార్ చిరంజీవి సైరా నరసింహా రెడ్డి చిత్రానికి చెందిన చిత్రీకరణ ఫోటోలు బయటికి వచ్చాయి. సురేందర్ రెడ్డి దర్శకత్వంలో తెరకెక్కుతోన్న ఈ మూవీ భారీ షెడ్యూల్ నిన్నటితో ముగిసింది. దాదాపు 35 రోజులపాటు నాన్ స్టాప్ గా సాగిన ఈ షెడ్యూల్లో బ్రిటిష్ సైన్యానికి సైరా నరసింహారెడ్డి కి మధ్య పోరాట సన్నివేశాలను తెరకెక్కించారు. ఈ షెడ్యూల్ కి అలా పేకప్ చెప్పారో లేదో.. ఆ షెడ్యూల్ కి చెందిన ఫోటోలు లీక్ అయ్యాయి. ఈ ఫొటోల్లో బ్రిటిష్ సైనికులను, కోటని గమనించవచ్చు.

ఇలా లీక్ అవ్వడం చిత్ర బృందానికి తలనొప్పి తెచ్చి పెట్టినప్పటికీ.. అభిమానుల్లో ఆనందాన్ని నింపింది. సినిమా ఓరేంజ్ లో రూపుదిద్దుకుంటోందని మెగా ఫ్యాన్స్ ఆనందపడుతున్నారు. చిరంజీవి పుట్టినరోజు సందర్భంగా ఆగస్టు 22 న టీజర్ ని రిలీజ్ చేయాలనీ చిత్ర బృందం ప్రయత్నిస్తోంది. టీజర్ కట్ పూర్తి చేయడమే కాదు. అందుకు సంగీతాన్ని జాతీయ అవార్డు గ్రహీత అమిత్ త్రివేది అందించడం మొదలు పెట్టారు. బాలీవుడ్ బిగ్ బీ అమితాబ్ బచ్చన్, జగపతిబాబు, నయనతార, తమన్నా, హ్యూమా ఖురేషి తదితరులు నటిస్తున్న ఈ మూవీపై అంచనాలు భారీగా ఉన్నాయి.