యూ టర్న్ హిందీ రీమేక్ పై క్లారిటీ ఇచ్చిన తాప్సీ

కమర్షియల్ గా పెద్దగా వర్కవుట్ అవ్వకపోయినా.. సమంతలోని నటిని సరికొత్త కోణంలో ప్రేక్షకులకు పరిచయం చేసిన సినిమా “యూ టర్న్”. కన్నడ రీమేక్ అయిన ఈ చిత్రం తెలుగులో భారీ క్రేజ్ సంపాదించుకొంది. ఈ చిత్రాన్ని హిందీలో రీమేక్ చేసేందుకు ప్రముఖ బాలీవుడ్ నిర్మాణ సంస్థలు సమంతను అప్రోచ్ అవ్వడం.. తాను ఒకసారి పోషించిన పాత్రను మళ్ళీ చేయలేను అని సమంత క్లారిటీ ఇవ్వడం జరిగిపోయింది.

అయితే.. సమంత రిజెక్ట్ చేసిన ఈ ఆఫర్ ను తాప్సీ అంగీకరించిందని గత కొన్నిరోజులుగా బాలీవుడ్ మీడియా కోడై కూస్తుంది. కానీ.. తాప్సీ మాత్రం నేను ఆ ఆఫర్ ను యాక్సెప్ట్ చేయలేదు. ఆల్రెడీ ఆరు సినిమాలో నేను ఫుల్ బిజీగా ఉన్నాను అని చెప్పుకొచ్చింది. దాంతో యూ టర్న్ హిందీ రీమేక్ కి ఇంకా హీరోయిన్ ఫిక్స్ అవ్వలేదు అని స్పష్టమైంది. ఇకపోతే.. తాప్సీ తెలుగులో కానీ తమిళంలో కానీ ఈమధ్యకాలంలో ఒక్కటంటే ఒక్క సినిమా కూడా సైన్ చేయకపోవడం గమనార్హం.

వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!