లేడీ కబడ్డీ కోచ్ జ్వాలా రెడ్డిగా తమన్నా

టాలీవుడ్ బెస్ట్ పెరఫార్మర్ గా ఉన్న తమన్నా మంచి పాత్రలు దక్కించుకుంటూ తన ఫార్మ్ కొనసాగిస్తోంది. గత ఏడాది సైరా చిత్రంలో ఆమె చేసిన డాన్సర్ మరియు నరసింహారెడ్డి ఆంతరంగిక భార్యగా ఆమె నటన ప్రసంశలు అందుకుంది. మెయిన్ హీరోయిన్ గా చేసిన నయనతారకు మించిన గుర్తింపు తమన్నా దక్కించుకుంది. కాగా తమన్నా మొదటిసారి గోపీచంద్ సరసన నటిస్తుంది. దర్శకుడు సంపత్ నంది తెరకెక్కిస్తున్న ఈ చిత్రానికి సీటీ మార్ అనే టైటిల్ పెట్టారు. విలేజ్ స్పోర్ట్స్ డ్రామాగా తెరకెక్కుతున్న ఈ చిత్రంలో గోపీచంద్ కబడ్డీ కోచ్ పాత్ర చేస్తున్నారు. ఇటీవలే ఆయన ఫస్ట్ లుక్ ని విడుదల చేశారు.

కాగా నేడు కొద్దిసేపటి క్రితం సీటీమార్ చిత్రం నుండి తమన్నా లుక్ విడుదల చేశారు. ఆమె జ్వాలా రెడ్డి అనే లేడీ కబడ్డీ కోచ్ గా నటిస్తున్నారని అర్థం అవుతుంది. ఇక జ్వాలా రెడ్డిగా తమన్నా లుక్ చాలా సీరియస్ గా ఉంది. కోర్టులో ఎటువంటి తప్పుచేసినా క్రీడా కారిణుల తాట దీసే సీరియస్ మరియు డేంజరస్ కోచ్ గా ఆమె రోల్ ఉంటుందని నేటి ఫస్ట్ లుక్ చూస్తే అర్థం అవుతుంది. శ్రీనివాస సిల్వర్ స్క్రీన్ పతాకంపై శ్రీనివాస్ చిత్తూరి ఈ చిత్రాన్ని నిర్మిస్తుండగా, మణిశర్మ సంగీతం అందిస్తున్నారు. వేసవి కానుకగా సీటీమార్ మూవీ విడుదల కానుంది.

Most Recommended Video

జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!
అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు