Tamanna, Anushka: టెన్షన్ పడుతున్న తమన్నా అభిమానులు.. కానీ?

April 12, 2022 / 11:33 AM ISTByFilmy Focus

Join Us

Tamanna, Anushka: టెన్షన్ పడుతున్న తమన్నా అభిమానులు.. కానీ?

టాలీవుడ్ స్టార్ హీరోయిన్లలో ఒకరైన అనుష్క ఈ మధ్య కాలంలో పరిమితంగా సినిమాలు చేస్తున్నారు. సైజ్ జీరో సినిమా కోసం బరువు పెరగడం అనుష్క కెరీర్ కు మైనస్ అయింది. తర్వాత రోజుల్లో అనుష్క బరువు తగ్గినా మునుపటి లుక్ ను తెచ్చుకోవడంలో మాత్రం విఫలమయ్యారు. ప్రస్తుతం అనుష్క తెలుగు సినిమాల్లో మాత్రమే నటిస్తున్నారనే సంగతి తెలిసిందే. యూవీ క్రియేషన్స్ బ్యానర్ లో నవీన్ పోలిశెట్టి, అనుష్క కాంబినేషన్ లో ఒక సినిమా తెరకెక్కనుంది.

అయితే అనుష్క చేసిన తప్పే తమన్నా కూడా చేస్తోందని నెటిజన్ల నుంచి కామెంట్లు వినిపిస్తున్నాయి. ఈ మధ్య కాలంలో తమన్నా బరువు పెరగగా తమన్నా లుక్ ప్రేక్షకులను పెద్దగా ఆకట్టుకోవడం లేదు. తమన్నా చేతిలో ప్రస్తుతం చెప్పుకోదగ్గ స్థాయిలో ఆఫర్లు ఉన్నప్పటికీ ఆమె నిర్లక్ష్యం చేస్తే భవిష్యత్తులో ఆఫర్లు తగ్గే ఛాన్స్ అయితే ఉందని తమన్నా అభిమానులు కామెంట్లు చేస్తున్నారు. తమన్నా ఫ్యాన్స్ చేస్తున్న కామెంట్లు వైరల్ అవుతున్నాయి. బరువు విషయంలో నెగిటివ్ కామెంట్లు వస్తున్న నేపథ్యంలో తమన్నా జాగ్రత్త పడతారేమో చూడాల్సి ఉంది.

వచ్చే నెలలో తమన్నా నటించిన ఎఫ్3 మూవీ థియేటర్లలో రిలీజ్ కానుంది. ఈ సినిమాలో తమన్నా స్పెషల్ రోల్ లో కనిపించనున్నారని సమాచారం అందుతోంది. సినిమాలో కొంత సమయం పాటు తమన్నా మగాడి వేషంలో కనిపిస్తారని తెలుస్తోంది. ఎఫ్3 సినిమాతో తమన్నా ఖాతాలో సక్సెస్ చేరుతుందేమో చూడాలి. ఇటీవల తమన్నా గని సినిమాలో స్పెషల్ సాంగ్ చేయగా ఆ సాంగ్ ప్రేక్షకులను పెద్దగా ఆకట్టుకోలేదనే సంగతి తెలిసిందే.

తమన్నా భోళా శంకర్, గుర్తుందా శీతాకాలం సినిమాలతో పాటు మరికొన్ని సినిమాలలో తమన్నా నటిస్తున్నారు. మిల్కీ బ్యూటీ బరువు తగ్గి కథలు, పాత్రల విషయంలో మరింత జాగ్రత్త వహిస్తే ఆమె కెరీర్ విషయంలో మరింత ఎదిగే అవకాశాలు అయితే ఉంటాయని చెప్పవచ్చు.