Tamannah Wedding: పెళ్లిపై తనదైన రీతిలో స్పందించిన మిల్కీ బ్యూటీ!

January 24, 2022 / 10:51 PM ISTByFilmy Focus

Join Us

Tamannah Wedding: పెళ్లిపై తనదైన రీతిలో స్పందించిన మిల్కీ బ్యూటీ!

ఇండస్ట్రీలో ఎక్కువ కాలం ఉండేది హీరోలు, తళుక్కున మెరిసి వెళ్లిపోయేది హీరోయిన్లు అని అంటుంటారు. అయితే ఈ అనధికారిక రూల్‌ని పక్కనపెట్టేసిన కథానాయికలు చాలా మందే ఉన్నారు మన దగ్గర. అలాంటి వారిలో మిల్కీ బ్యూటీ తమన్నా ఒకరు. ఎప్పుడో 2005లో ‘శ్రీ’ సినిమాతో పరిచయమైన ఈ ముద్దుగుమ్మ ఇప్పటివరకు అలరిస్తూనే ఉంది. కుర్రకారు పక్కన నటించమన్నా, సీనియర్‌ హీరో పక్కన ఆడిపాడమన్నా ఓకే అనేస్తుంది. హీరోయిన్‌గా బరువైన పాత్రలు మోయడానికీ ఓకే అంటుంది.

ఐటెమ్‌ భామగా అందాలు ఆరబోయడానికీ (?) ఓకే అంటుంది. మరి పెళ్లెప్పుడు అంటే… ఇప్పుడే చెప్పను అంటూ ఉంటుంది. అలాంటి తమన్నా పెళ్లి గురించి పెదవి విప్పింది అని టాక్‌. అవును చాలా రోజుల తర్వాత తన పెళ్లి గురించి అడిగితే… చిన్నపాటి క్లూ ఇచ్చిందని అంటున్నారు. మరో రెండేళ్ల వరకు పెళ్లి ఆలోచన తన దగ్గర తీసుకురావొద్దని ఖరాకండిగా చెప్పేసిందట తమన్నా. నిజానికి తమన్నా పెళ్లికి సిద్ధమైందంటూ ఆ మధ్య వార్తలొచ్చాయి.

అప్పుడు ఆమె కెరీర్‌ బాగా డౌన్‌లో ఉండేది. దీంతో పెళ్లి చేసేసుకుంటుంది అంటూ కథనాలు పుట్టుకొచ్చాయి. ఆమె కుటుంబ సభ్యులు కూడా సంబంధాలు చూస్తున్నారని, ఎవరో వ్యాపారవేత్తకు తమన్నా ఓకే చెప్పిందని అన్నారు. అయితే ఇప్పుడు ఆ వార్తలన్నింటినీ ఫుల్‌స్టాప్‌ పెట్టేసింది తమన్నా. ప్రస్తుతం ఆమె కెరీర్‌ తిరిగి ఫుల్‌ గేర్‌లోకి వచ్చేసింది అని చెప్పొచ్చు. ఒకప్పటిలా మళ్లీ రెండు కోట్ల రూపాయలు తీసుకుంటోందని సమాచారం. దీంతోనే పెళ్లి ఆలోచన వాయిదా వేసుకుందని అంటున్నారు.

ఇప్పుడు ఆమె చేతుల్లో ఉన్న సినిమాలన్నీ పూర్తవ్వాలన్నా, ఆమె ఫేమ్‌ తగ్గాలన్నా రెండేళ్ల సమయం పడుతుందని టాక్‌. అందుకే రెండేళ్ల తర్వాత పెళ్లి అంటోందని ఆమె సన్నిహితులు. చెబుతున్నారు. ప్రస్తుతం తమన్నా వెంకటేశ్‌తో ‘ఎఫ్3′, చిరంజీవితో ‘భోళాశంకర్‌’ సినిమాల్లో నటిస్తోంది. ఇది కాకుండా సత్యదేవ్‌తో ‘గుర్తుందా శీతాకాలం’ అనే సినిమాలోనూ కథానాయికగా కనిపించనుంది. వీటితో పాటు కన్నడలో ఓ పాన్ ఇండియా సినిమాలో నటించడానికి ఒప్పుకుందని సమాచారం. మరోవైపు కొన్ని ఓటీటీ ప్రాజెక్ట్స్ కూడా అంగీకరించిందట. అలా తమన్నా చాలా బిజీ….