సినిమా ఇండస్ట్రీలో సెంటిమెంట్లకు కొదువే లేదనే సంగతి తెలిసిందే. హీరోలు చాలా సందర్భాల్లో హీరోయిన్లను రిపీట్ చేస్తూ ఉంటారు. సినిమా సక్సెస్ సాధిస్తే అదే హీరోయిన్ తో మళ్లీ కలిసి నటించడానికి సిద్ధమవుతూ ఉంటారు. చైతన్య, తమన్నా కాంబినేషన్ లో ఇప్పటికే 100% లవ్, తడాఖా సినిమాలు వచ్చాయి. ఈ సినిమాలలో 100% లవ్ బ్లాక్ బస్టర్ గా నిలిస్తే తడాఖా అబవ్ యావరేజ్ రిజల్ట్ ను సొంతం చేసుకుంది.
అయితే చైతన్య, తమన్నా కాంబో రిపీట్ కానుందని నాంది సినిమాతో సక్సెస్ సాధించిన విజయ్ కనకమేడల డైరెక్షన్ లో తెరకెక్కనున్న సినిమాలో చైతన్య, తమన్నా భార్యాభర్తలుగా కనిపిస్తారని సమాచారం. అయితే వైరల్ అవుతున్న వార్తలో నిజానిజాలు తెలియాల్సి ఉంది. షైన్ స్క్రీన్స్ బ్యానర్ పై ఈ సినిమా తెరకెక్కనుండగా వచ్చే ఏడాది ఈ సినిమా షూటింగ్ ప్రారంభం కానుందని తెలుస్తోంది. మూడోసారి ముచ్చటగా చైతూ తమన్నా జోడీ మురిపించనుంది. అయితే తమన్నా ఈ సినిమాలో నటిస్తున్నట్టు అధికారిక ప్రకటన రావాల్సి ఉంది.
నాంది సినిమాతో తొలి ప్రయత్నంలోనే దర్శకుడిగా ప్రూవ్ చేసుకున్న విజయ్ కనకమేడల నాగచైతన్యకు కూడా భారీ బ్లాక్ బస్టర్ హిట్ ఇస్తాడేమో చూడాల్సి ఉంది. ప్రస్తుతం నాగచైతన్య థ్యాంక్యూ, బంగార్రాజు సినిమాల షూటింగ్ లతో బిజీగా ఉన్నారు. ఈ సినిమాల షూటింగ్ పూర్తయ్యాక విజయ్ కనకమేడల డైరెక్షన్ లో చైతన్య సినిమా షూటింగ్ మొదలు కానుంది. చైతన్య, తమన్నా కాంబినేషన్ పై వస్తున్న వార్తల విషయంలో ఫ్యాన్స్ సంతోషిస్తున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
