‘కొణిదెల ప్రొడక్షన్ కంపెనీ’ బ్యానర్ పై మెగా పవర్ స్టార్ రాంచరణ్ నిర్మాణంలో మెగాస్టార్ చిరంజీవి 151 వ చిత్రంగా తెరకెక్కుతోన్న చిత్రం ‘సైరా నరసింహ రెడ్డి’. సురేందర్ రెడ్డి డైరెక్షన్లో తెరకెక్కుతోన్న ఈ చిత్రం భారీ బడ్జెట్ తో రూపుదిద్దుకుంటుంది. భారీ తారాగణంతో ఒక ‘మెగా బాహుబలి’ గా చరణ్ ఈ చిత్రాన్ని నిర్మిస్తున్నాడట. ఇప్పటికే విడుదలైన టీజర్ తో అంచనాలు ఆకాశాన్ని అంటాయనే చెప్పుకోవచ్చు. నాయన తార హీరోయిన్ గా నటిస్తున్న ఈ చిత్రానికి ప్రముఖ బాలీవుడ్ సంగీత దర్శకుడు అమిత్ త్రివేది సంగీతాన్ని అందిస్తున్నారు.
ఇక ‘సైరా’ చిత్రంలో మిల్కీ బ్యూటీ తమన్నా కూడా నటిస్తుందని గతంలో వార్తలు వచ్చాయి. ఇప్పుడు ఆ వార్తలను నిజం చేస్తూ చిత్ర యూనిట్ తమన్నా ఫస్ట్ లుక్ ను విడుదల చేసారు. ‘సైరా’ చిత్రంలో తమన్నా.. లక్ష్మీ అనే పాత్రలో కనిపించనుందట. ఈ చిత్రంలో తమన్నా పాత్ర చాలా కీలకమని తెలుస్తుంది. డిసెంబర్ 21 న (ఈరోజు) తమన్నా పుట్టినరోజు సందర్భంగా తన పాత్రకు సంబంధించిన ఫస్ట్ లుక్ ను విడుదల చేసింది. ఈ లుక్ లో యువరాణి గా తమన్నా చాలా అందంగా కనిపిస్తుండడం విశేషం. స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత చరిత్ర ఆధారంగా ఈ చిత్రం తెరకెక్కుతుంది. ఇక ఈ చిత్రంలో నయనతార, తమన్నా లతో పాటు అమితాబ్ బచ్చన్, విజయ్ సేతుపతి, సుదీప్, జగపతి బాబు వంటి నటీనటులు నటిస్తున్నారు. ఈరోజు తమన్నా పుట్టినరోజు సందర్భంగా చిత్రబృందం ఆమె లుక్ ని విడుదల చేసింది. యువరాణి గెటప్ లో తమన్నా చాలా అందంగా
కనిపిస్తోంది
