మహేష్ కొరటాల సినిమాలో ప్రముఖ తమిళ హీరో!

టాలీవుడ్ లో ప్రిన్స్ మహేష్ బాబు మేనియా గురించి మనం ప్రత్యేకంగా చెప్పాల్సిన పనిలేదు. అయితే అదే క్రమంలో జెట్ స్పీడ్ లో వరుస హిట్స్ తో దూసుకుపోతున్న ప్రిన్స్ కి అనుకోకుండా సొంత సినిమా బ్రహ్మోత్సవం భారీ స్పీడ్ బ్రేకర్ గా మారి నవ్వుల పాలు చెయ్యడంతో చాలా కసిగా, మున్ముందు అలాంటి చేదు అనుభవాలు కలగకుండా పక్కా ప్లాన్ తో ముందుకు సాగుతున్నాడు ప్రిన్స్. ఇదిలా ఉంటే ప్రస్తుతం మురుగుదాస్ దర్శకత్వంలో భారీ బడ్జెట్ సినిమా అయిన స్పైడర్ లో నటిస్తున్న ప్రిన్స్, ఆతరువాత వెంటనే, దసరా అవగానే మన కొరటాల దర్శకత్వంలో ఒక సినిమా చెయ్యనున్నట్లు తెలిసిందే. అంతేకాకుండా ఆ సినిమాకి “భరత్ అను నేను” అనే టైటిల్ కూడా పెట్టినట్లు సమాచారం. అయితే ఇప్పటివరకూ మన మహేష్ చెయ్యని ఒక పొలిటికల్ పాత్ర ఈ సినిమాలో ప్రిన్స్ కి దొరికింది.

ఈ సినిమాలో ఏకంగా మహేష్ ముఖ్యమంత్రిగా నటించనున్నాడని టాలీవుడ్ సర్కిల్స్ నుంచి వస్తున్న సమాచారం. అయితే అదే క్రమంలో ఈ సినిమాలో ప్రిన్స్ పాత్రలు తగ్గట్లే అన్ని పాత్రలు ఉండాలి అన్న ఆలోచనతో ప్రిన్స్ తండ్రి పాత్రకు ఒక బలమైన యాక్టర్ కోసం చూస్తూ ఉన్న క్రమంలో, తమిళ ప్రముఖ హీరో శరత్ కుమార్ పేరు పరిశీలనలో ఉంది. ఈ పాత్రకు ఆయన అయితే పూర్తి న్యాయం చెయ్యగలడు అని నమ్మి, ఈ పాత్రలో ఆయన్ని తీసుకోవాలి అని కొరటాల ఆలోచనలో పడినట్లు సమాచారం. అయితే ఇప్పటికే ‘బన్ని’ సినిమాలో అల్లు అర్జున్‌ తండ్రిగా పవర్‌ఫుల్‌ రోల్‌లో శరత్‌కుమార్‌ నటన మన అందరికీ సుపరిచితమే. మరి అలాంటి క్రమంలో ముఖ్యమంత్రి తండ్రిగా పాత్ర అంటే పవర్‌ఫుల్ గా ఉంటుంది కనుక, శరత్‌కుమార్‌ ఈ పాత్రకు పర్ఫెక్ట్ గా సరిపోతాడు అనే చెప్పాలి. చూద్దాం మరి ఏం జరుగుతుందో.

Also, do SUBSCRIBE to our YouTube channel to get latest Tollywood updates.