ఆదిపురుష్ సినిమా థియేటర్లలో విడుదల కాగా ఈ సినిమాకు క్రిటిక్స్ నుంచి, ప్రేక్షకుల నుంచి మిక్స్డ్ రెస్పాన్స్ వస్తోంది. టాలీవుడ్ ప్రముఖ వెబ్ సైట్లు ఈ సినిమాకు 2.25 నుంచి 3 వరకు రేటింగ్స్ వచ్చాయి. తరణ్ ఆదర్శ్ మాత్రం ఆదిపురుష్ సినిమాకు కేవలం 1.5 రేటింగ్ ఇచ్చారు. ఒకే ఒక్క మాటలో చెప్పాలంటే ఈ సినిమా తనను తీవ్రస్థాయిలో నిరాశపరిచిందని ఆయన అన్నారు. ఆదిపురుష్ సినిమా ఎపిక్ డిజప్పాయింట్మెంట్ అని ఆయన అభిప్రాయం వ్యక్తం చేశారు.
ఈ సినిమా అంచనాలను ఏ మాత్రం అందుకొలేదని తరణ్ ఆదర్శ్ చెప్పుకొచ్చారు. దర్శకుడు ఓం రౌత్ కు తను కోరుకున్న నటీనటులను, అత్యంత భారీ బడ్జెట్ ను కేటాయించినా భారీ గందరగోళాన్ని సృష్టించాడని తరణ్ ఆదర్శ్ అన్నారు. తరణ్ ఆదర్శ్ చేసిన ట్వీట్ కు 37,000కు పైగా లైక్స్ రావడం గమనార్హం. అయితే ప్రభాస్ ఈ సినిమాలో రాముని పాత్రలో నటించడం వల్లే తరణ్ ఆదర్శ్ ఈ సినిమాకు నెగిటివ్ రివ్యూ ఇచ్చారని కొంతమంది కామెంట్లు చేస్తున్నారు.
ఆదిపురుష్ మరీ అద్భుతమైన సినిమా అని చెప్పబోమని అయితే బ్యాడ్ మూవీ మాత్రం కాదని కొంతమంది కామెంట్లు చేస్తున్నారు. మరోవైపు ఆదిపురుష్ మూవీ ప్రదర్శితమవుతున్న థియేటర్ కు ఒక కోతి హాజరు కావడం గమనార్హం. అనుకోని అతిథిలా వచ్చిన కోతిని చూసి చాలామంది నెటిజన్లు జై శ్రీరామ్ అని కామెంట్లు చేశారు.
ఆదిపురుష్ (Adipurush) సినిమా కలెక్షన్ల ఆధారంగా ఈ సినిమా తుది ఫలితం తేలే అవకాశం ఉంటుంది. ఈ సినిమా గురించి నెగిటివ్ గా ప్రచారం చేయవద్దని ప్రభాస్ అభిమానులు కోరుకుంటున్నారు. రాబోయే రోజుల్లో ప్రభాస్ కు కెరీర్ పరంగా కలిసి రావాలని వరుస బ్లాక్ బస్టర్ హిట్లను సొంతం చేసుకోవాలని ఫ్యాన్స్ కోరుకుంటున్నారు.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
