Teja Sajja: ‘గుంటూరు కారం’తో పోటీ.. తనదైన శైలిలో జవాబిచ్చిన తేజ సజ్జా!

ఈ సంక్రాంతికి టాలీవుడ్‌ నుండి మొత్తంగా ఐదు సినిమాలో బరిలో నిలుస్తున్నాయి. అన్ని సినిమాలు ఎందుకు అనే ప్రశ్నకు ఎవరి దగ్గర వారి సమాధానాలు ఉన్నాయి. అలాగే తమ సినిమాదే విజయం అనే కాన్ఫిడెన్స్‌ అని కూడా కనిపిస్తోంది. అయితే ఇందులో ఓ రెండు సినిమాల విషయంలో ఓ ఇంటరెస్టింగ్‌ పాయింట్‌ ఉంది. ఆ సినిమాలే ‘గుంటూరు కారం’, ‘హను – మాన్’. ఈ రెండూ ఒకే రోజు అంటే జనవరి 12న విడుదలవనున్నాయి. ఈ నేపథ్యంలో ఫిల్మీ ఫోకస్‌ చేసిన ఓ పోస్టుకు తేజ సజ్జా ఆసక్తికర కామెంట్ చేఅఆరు.

మహేష్‌బాబు – త్రివిక్రమ్‌ కాంబినేషన్‌లో రూపొందుతున్న ‘గుంటూరు కారం’… ప్రశాంత్‌ వర్మ – తేజ సజ్జా కాంబోలో రూపొందిన ‘హను – మాన్‌’ సంక్రాంతి సందర్భంగా జనవరి 12న విడుదలవుతున్నాయి. ఈ నేపథ్యంలో ‘‘2000లో వచ్చిన ‘యువరాజు’ సినిమాలో మహేష్ బాబు కొడుకు పాత్రలో నటించిన తేజ సజ్జ ఇప్పుడు 2024 సంక్రాంతికి ‘హను – మాన్’ సినిమాతో ‘గుంటూరు కారం’ సినమాకు పోటీ ఇవ్వనున్నాడు’’ అంటూ ఓ పోస్ట్‌ పెట్టగా… దాని కింద తేజ కామెంట్‌ చేశాడు.

ఇప్పుడు ఆ కామెంట్‌ సోషల్‌ మీడియాలో వైరల్‌ అవుతోంది. రెండు సినిమాలు ఒకే రోజు వస్తున్నాయి అంటేనే పోటీగా వస్తున్నట్లు లెక్క. అయితే అలా కాకుండా తమ సినిమా ‘గుంటూరు కారం’తో పాటుగా వస్తోంది అంటూ మహేష్‌ అభిమానుల మనసుల్ని గెలుచుకునే ప్రయత్నం చేశాడు. ఈ దిశగా విజయం సాధించాడ అనే చెప్పాలి. ఎంతో పరిణితి ఉన్న కుర్రాడిలా తేజ (Teja Sajja) మాట్లాడట గమనార్హం.

‘హను – మాన్’ సినిమాను మన దేశంతో పాటు శ్రీలంక, జపాన్, చైనా, అమెరికా, ఆస్ట్రేలియా, జర్మనీ, స్పెయిన్ సహా వివిధ దేశాల్లో మొత్తం 11 భాషల్లో విడుదల చేస్తున్నారట. ఇక ‘గుంటూరు కారం’ తెలుగు నాట భారీ స్థాయిలో విడుదలవుతోంది. మరి ఈ పోటీలో ఎవరిది విజయమో చూడాలి. ఇద్దరూ విజయం సాధిస్తే టాలీవుడ్‌కి అంతకుమించిన ఆనందం మరొకటి ఉండదు. అభిమానులకు కూడా.

ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!

ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!