దర్శకులకు ద్వితీయ విఘ్నం అనే భయముంటుంది. ఎంతో మంది దర్శకులు తొలి సినిమాతో సూపర్ హిట్ అందుకొని రెండో సినిమాకి అపజయాన్ని చవిచూశారు. అయితే ఈ ద్వితీయ విఘ్నం అనే భయాన్ని ఈ ముగ్గురు దర్శకులు జయించారు. తొలి రెండు సినిమాలను సూపర్ హిట్ చేయించారు. ఇప్పుడు మూడో సినిమాని చేసే పనిలో ఉన్నారు. వారెవరెంటే.. చందు మొండేటి, కళ్యాణ్ కృష్ణ, మేర్లపాక గాంధీ. నిఖిల్ తో “కార్తికేయ” అనే థ్రిల్లర్ మూవీని తెరకెక్కించి మంచి విజయం సాధించారు. తర్వాత “ప్రేమమ్’ మలయాళ చిత్రాన్ని అదే పేరుతో తెలుగులో నాగచైతన్యతో రీమేక్ చేసి మరో హిట్టు తన ఖాతాలో వేసుకున్నారు. తాజాగా నాగచైతన్యతో యాక్షన్ జానర్‌లో “సవ్యసాచి” డైరెక్ట్ చేస్తున్నారు. ఈ సినిమా ప్రీ లుక్ నుంచి ఆసక్తిని రేకెత్తిస్తోంది.
అక్కినేని హీరోలతో “సోగ్గాడే చిన్నినాయనా”, “రారండోయ్ వేడుక చూద్దాం” వంటి సినిమాలు తీసి కళ్యాణ్ కృష్ణ సూపర్ హిట్స్ అందుకున్నారు. ఇప్పుడు రవితేజ తో “నేల టిక్కెట్టు” తెరకెక్కిస్తున్నారు. శంకర్ దాదా ఎంబీబీఎస్ కి సీక్వెల్ గా రాసుకున్న ఈ మూవీలో కామెడీ ఎక్కువగా ఉండనుందని సమాచారం. ఇక మూడో యువ డైరక్టర్ మేర్లపాక గాంధీ యంగ్ హీరో సందీప్ కిషన్‌ తో “వెంకటాద్రి ఎక్స్ ప్రెస్” అని తీసి అదేవేగంతో దూసుకు పోతున్నారు. మరో యువ హీరో శర్వానంద్‌ తో “ఎక్స్ ప్రెస్ రాజా”ను తెరకెక్కించి ద్వితీయ విఘ్నం అధిగమించారు. ఇప్పుడు నేచురల్ స్టార్ నానితో “కృష్ణార్జున యుద్ధం” చేయిస్తున్నాడు. వారిలో ఎవరు గెలిచినా మేర్లపాక గాంధీకి విజయం సొంతమవుతుంది. ఇలా ముగ్గురు డైరక్టర్లు తీసుకునే కథలు.. వారి జోష్ చూస్తుంటే హ్యాట్రిక్ హిట్ సాధించేలా ఉన్నారని సినీ విశ్లేషకులు నమ్మకంగా చెబుతున్నారు.
