టాలీవుడ్ లో టాప్ మ్యూజిక్ డైరెక్టర్ గా దూసుకుపోతున్నాడు తమన్. ప్రస్తుతం ఆయన చేతిలో పది సినిమాల వరకు ఉన్నాయి. అందులో అన్నీ కూడా క్రేజీ సినిమాలే. పవర్ స్టార్ పవన్ కళ్యాణ్, సూపర్ స్టార్ మహేష్ బాబు సహా చాలా మంది స్టార్ హీరోల సినిమాలకు తమన్ మ్యూజిక్ డైరెక్టర్ గా పని చేస్తున్నాడు. ఎంత బిజీగా ఉన్నప్పటికీ.. తనను వెతుక్కుంటూ ఏదైనా సినిమా అవకాశం వస్తే గనుక టైమ్ కేటాయించుకొని సినిమా చేస్తుంటాడు.
ఈ క్రమంలోనే సురేందర్ రెడ్డి దర్శకత్వంలో అఖిల్ హీరోగా నటించనున్న ‘ఏజెంట్’ సినిమాకి కూడా ఓకే చెప్పాడు తమన్. కానీ ఇప్పుడు ఆ ప్రాజెక్ట్ నుండి తమన్ తప్పుకున్నట్లు సమాచారం. ప్రస్తుతానికి తనకున్న కమిట్మెంట్స్ కారణంగా తమన్ తప్పుకొని ఉండొచ్చని భావిస్తున్నారు. తమన్ స్థానంలోకి తమిళ యువ సంగీత దర్శకుడు హిప్ హాప్ తమిళ వచ్చాడు. అతడు తెలుగులో ‘ధృవ’, ‘కృష్ణార్జున యుద్ధం’, ‘ఏ1 ఎక్స్ ప్రెస్’ లాంటి సినిమాలకు సంగీతం అందించాడు.
వాటికి సంగీతం పరంగా మంచి రెస్పాన్స్ వచ్చింది. ఇప్పుడు ‘ఏజెంట్’ సినిమాతో మరోసారి తన సత్తా చాటాలనుకుంటున్నాడు. ఈ సినిమాని భారీ బడ్జెట్ లో నిర్మించబోతున్నారు. ఇందులో మలయాళ నటుడు మోహన్ లాల్ ముఖ్యపాత్ర పోషించనున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
