Thaman Remuneration: రెమ్యునరేషన్ విషయంలో థమన్ అస్సలు తగ్గడం లేదుగా?

October 7, 2022 / 03:32 PM ISTByFilmy Focus

Join Us

Thaman Remuneration: రెమ్యునరేషన్ విషయంలో థమన్ అస్సలు తగ్గడం లేదుగా?

ఈ మధ్య కాలంలో మ్యూజిక్ డైరెక్టర్ థమన్ పేరు సోషల్ మీడియాలో, వెబ్ మీడియాలో మారుమ్రోగుతోంది. థమన్ మ్యూజిక్ అందించిన సినిమాలు బాక్సాఫీస్ వద్ద కమర్షియల్ గా సక్సెస్ సాధిస్తుండటంతో పాటు థమన్ బీజీఎంకు ప్రేక్షకుల నుంచి మంచి మార్కులు పడుతున్నాయి. బోయపాటి శ్రీను, త్రివిక్రమ్ శ్రీనివాస్, గోపీచంద్ మలినేని, మరి కొందరు డైరెక్టర్లు తమ డైరెక్షన్ లో సినిమా అంటే థమన్ మ్యూజిక్ డైరెక్టర్ అని ఫిక్స్ అవుతున్నారు.

రామ్ బోయపాటి శ్రీను కాంబినేషన్ లో ఒక సినిమా తెరకెక్కనున్న సంగతి తెలిసిందే. శ్రీలీల ఈ సినిమాలో హీరోయిన్ గా నటిస్తుండగా థమన్ ఈ సినిమాకు మ్యూజిక్ అందిస్తున్న సంగతి తెలిసిందే. అయితే థమన్ ఈ సినిమా కోసం తీసుకుంటున్న రెమ్యునరేషన్ గురించి తెలిసి షాకవ్వడం నెటిజన్ల వంతవుతోంది. ఈ సినిమాకు థమన్ ఏకంగా ఐదు కోట్ల రూపాయల రేంజ్ లో రెమ్యునరేషన్ తీసుకుంటున్నారు.

అఖండ సక్సెస్ తో థమన్ రెమ్యునరేషన్ అమాంతం పెరిగిందని తెలుస్తోంది. మహేష్ త్రివిక్రమ్ కాంబో మూవీకి సైతం థమన్ ఇదే రేంజ్ లో రెమ్యునరేషన్ ను తీసుకుంటున్నారని వార్తలు ప్రచారంలోకి వస్తుండటం గమనార్హం. థమన్ స్థాయిలో ప్రస్తుతం మరే టాలీవుడ్ మ్యూజిక్ డైరెక్టర్ రెమ్యునరేషన్ తీసుకోవడం లేదు. రామ్ బోయపాటి శ్రీను కాంబో మూవీ పాన్ ఇండియా మూవీగా తెరకెక్కుతోంది.

ఈ రీజన్ వల్లే నిర్మాతలు సైతం థమన్ అడిగినంత రెమ్యునరేషన్ ఇవ్వడానికి వెంటనే ఓకే చెప్పారని సమాచారం అందుతోంది. గాడ్ ఫాదర్ సినిమాతో థమన్ ఖాతాలో మరో సక్సెస్ చేరడంతో పాటు థమన్ రెమ్యునరేషన్ సైతం పెరిగింది. థమన్ తర్వాత ప్రాజెక్ట్ లతో కూడా బ్లాక్ బస్టర్ హిట్లను అందుకోవాలని అభిమానులు భావిస్తున్నారు. కథ బాగున్న సినిమాలకు మాత్రమే థమన్ గ్రీన్ సిగ్నల్ ఇస్తున్నారు. కెరీర్ విషయంలో థమన్ ఆచితూచి అడుగులు వేస్తున్నారు.