Thaman: మహేష్ మూవీలో ఐటెం సాంగ్.. చేసేది ఆమేనా..?

ఒకప్పుడు టాలీవుడ్ ఇండస్ట్రీలో దేవి శ్రీ ప్రసాద్ నంబర్ వన్ మ్యూజిక్ డైరెక్టర్ గా ఉండేవారు. రెమ్యునరేషన్ పరంగా దేవి శ్రీ ప్రసాద్ ఇప్పటికీ నంబర్ 1 మ్యూజిక్ డైరెక్టర్ అయినా సినిమా ఆఫర్ల విషయంలో మాత్రం థమన్ ముందువరుసలో ఉన్నారు. పరశురామ్ డైరెక్షన్ లో మహేష్ బాబు హీరోగా కీర్తి సురేష్ హీరోయిన్ గా తెరకెక్కుతున్న సర్కారు వారి పాట సినిమా గురించి థమన్ ఆసక్తికరమైన అప్ డేట్స్ ఇవ్వడంతో పాటు ఫ్యాన్స్ కు శుభవార్తలు చెప్పారు.

ఇప్పటికే మహేష్ థమన్ కాంబినేషన్ లో కొన్ని సినిమాలు రాగా ఆ సినిమాలు బాక్సాఫీస్ దగ్గర బ్లాక్ బస్టర్ హిట్లుగా నిలిచాయి. తాజాగా థమన్ సర్కారు వారి పాట సినిమా గురించి చెబుతూ ఈ సినిమాలో మొత్తం ఐదు పాటలు ఉంటాయని వెల్లడించారు. ఇప్పటికే మూడు పాటలు పూర్తి చేశానని మరో రెండు పాటల షూటింగ్ బ్యాలెన్స్ ఉందని థమన్ చెప్పుకొచ్చారు. సినిమాలో ఎనర్జిటిక్ సాంగ్స్, మాస్ సాంగ్స్ ఉంటాయని థమన్ తెలిపారు.

ఈ సినిమాలో ఒక ఐటెం సాంగ్ కూడా ఉంటుందని థమన్ వెల్లడించారు. థమన్ ఇచ్చిన అప్ డేట్స్ తో మహేష్ ఫ్యాన్స్ ఆనందానికి అవధులు లేకుండా పోయాయి. ఈ ఐటెం సాంగ్ లో బాలీవుడ్ హీరోయిన్ డ్యాన్స్ చేసే అవకాశాలు ఉంటాయని తెలుస్తోంది. వచ్చే ఏడాది సంక్రాంతి టార్గెట్ గా ఈ సినిమా షూటింగ్ జరగాల్సి ఉంది. వరుస సక్సెస్ లతో జోరుమీదున్న మహేష్ బాబు ఈ సినిమాతో మరో బ్లాక్ బస్టర్ సాధిస్తారని ఫ్యాన్స్ అభిప్రాయపడుతున్నారు.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!