దూకుడు పాటల దర్శకుడు ఎస్.ఎస్.థమన్ పదమూడేళ్ల తర్వాత మళ్లీ మేకప్ వేసుకున్నారు. 2003లో వచ్చిన బాయ్స్ సినిమాలో డ్రమ్స్ ఫ్లే చేసే యువకుడిగా కనిపించారు. ఇప్పుడు శ్రీ వెంక‌టేశ్వ‌ర మూవీ మేక‌ర్స్ బ్యాన‌ర్‌పై సాయిధ‌ర‌మ్ తేజ్, లారిస్సా బోనేసి, మ‌న్నార్ చోప్రా హీరో హీరోయిన్లుగా రూపొందుతోన్న’తిక్క’ చిత్రం కోసం థమన్ కెమారా ముందుకు వచ్చారు. సునీల్ రెడ్డి దర్శకత్వంలో తెరకెక్కుతున్న ఈ సినిమాలో గెస్ట్ రోల్ చేశారు.
సాయిధ‌ర‌మ్ తేజ్ తో కలిసి ఉత్సాహంగా డాన్స్ చేశారు. హైదరాబాద్ లోని ఓ స్టూడియోలో వేసిన ప్రత్యేక సెట్లో వీరిద్దరి పై “హాట్ షాట్ హీరో” అనే పాటను చిత్రీకరించారు. ఈ విషయాన్ని థమన్ ట్విట్టర్ లో తెలిపారు. ఫోటోను కూడా పోస్ట్ చేశారు. అందులో థమన్ లుక్ అదిరిపోతోంది. హీరో పక్కన లేజర్ మైక్ ను పట్టుకుని ఉన్నథమన్ స్టైల్ పాప్ స్టార్ ను తలపిస్తోంది. ఇంకా పాట షూటింగ్ మరో రెండు రోజుల పాటు సాగుతుందని చిత్ర బృందం తెలిపింది. సి.రోహిణ్ రెడ్డి నిర్మిస్తున్నఈ సినిమాను ఆగస్టులో రిలీజ్ చేసేందుకు ప్లాన్ చేస్తున్నారు.
Home
