బోయపాటి, చరణ్ చిత్రంలో అందాలు ఆరబోయనున్న మిల్కీ బ్యూటీ.!

మిల్కీ బ్యూటీ తమన్నా ఓ వైపు హీరోయిన్ గా రాణిస్తూనే.. మరో వైపు స్టార్ హీరోల సినిమాల్లో స్పెషల్ సాంగ్స్ తో అదరగొడుతోంది. “స్పీడున్నోడు”, “అల్లుడు శీను”, “జాగ్వార్” చిత్రాలతోపాటు రీసెంట్‌గా “జై లవకుశ” లోనూ స్వింగ్ జరా అంటూ మాస్ ప్రేక్షకులను ఉర్రూతలూగించింది. మరో మారు తన అందం, డ్యాన్సులతో అదరగొట్టడానికి సిద్ధమైంది. రంగస్థలం సినిమా తర్వాత మెగా పవర్ స్టార్ బోయపాటి శ్రీను దర్శకత్వంలో నటిస్తున్నారు. ఈ సినిమా ఇప్పటికే మొదటి షెడ్యూల్ పూర్తి చేసుకుంది. రామ్ చరణ్ లేని సన్నివేశాలను బోయపాటి ముందుగా తెరకెక్కించారు.

రాజవంశస్థుడిగా చరణ్ కనిపించనున్న ఇందులో విలన్ గా వివేక్ ఒబెరాయ్ నటించనున్నారు. ఎక్కువభాగం రాజస్థాన్ లో షూటింగ్ జరుపుకోనున్న ఈ మూవీ సెకండ్ షెడ్యూల్ త్వరలో మొదలు కానుంది. బాలీవుడ్ బ్యూటీ  కైరా అద్వానీ హీరోయిన్ గా నటిస్తున్న ఈ చిత్రంలో చరణ్ కి అన్నయ్యలుగా తమిళ హీరో ప్రశాంత్‌ (జీన్స్‌ హీరో),  నవీన్‌ చంద్ర(అందాల రాక్షసి), ఆర్యన్ రాజేష్ నటించనున్నారు. వదినలుగా అలనాటి హీరోయిన్ స్నేహ, అనన్య (‘జర్నీ’ ఫేం),  హిమజలు కనిపించనున్నారు. డీవీవీ దానయ్య నిర్మిస్తున్న ఈ సినిమాలో తమన్నా స్పెషల్ సాంగ్ చేయడానికి ఒప్పుకున్నట్టు తెలిసింది. త్వరలో ఈ విషయాన్నీ చిత్రం అధికారికంగా ప్రకటించనుంది.