మీరంటే నాకు ఎప్పటికీ ఇష్టమే సార్ : పూరి జగన్నాథ్

మహేష్ బాబు 25వ చిత్రంగా రూపొందిన ‘మహర్షి’ చిత్రం మే 9న విడుదల కాబోతున్న సంగతి తెలిసిందే. ఇక ఈ చిత్ర ప్రమోషన్లలో భాగంగా ప్రీ రిలీజ్ వేడుకని మే 1 న హైదరాబాద్ లో ఘనంగా నిర్వహించారు. ఇక ఇది మహేష్ 25 వ చిత్రం కావడంతో తన స్పీచ్ లో ‘రాజకుమారుడు’, ‘ఒక్కడు’, ‘అతడు’, ‘శ్రీమంతుడు’, ‘భరత్ అనే నేను’ సినిమాలు తన సినీ జీవితంలో మైలురాళ్లుగా నిలిచిపోయిన చిత్రాలు గురించి మహేష్ గుర్తుచేసుకున్నాడు. ఆ డైరెక్టరులందరికీ స్పెషల్ థాంక్స్ కూడా చెప్పాడు. అయితే తనకి ‘పోకిరి’ లాంటి ఇండస్ట్రీ హిట్ ఇచ్చిన పూరి జగన్నాథ్ పేరుని చెప్పడం మరిచిపోయాడు.

• అవెంజర్స్ ఎండ్ గేమ్ సినిమా రివ్యూ కోసం ఇక్కడ క్లిక్ చెయ్యండి 
• జెర్సీ రివ్యూ కోసం ఇక్కడ క్లిక్ చెయ్యండి 
• చిత్రలహరి రివ్యూ కోసం ఇక్కడ క్లిక్ చెయ్యండి 
• మజిలీ రివ్యూ కోసం ఇక్కడ క్లిక్ చెయ్యండి

దీంతో సాధారణ ప్రేక్షకులే కాదు మహేశ్ అభిమానులు కూడా నిరాశకి గురయ్యారు. కానీ వెంటనే మహేష్ తన ట్విట్టర్ ద్వారా స్పందించాడు. ‘‘నేను నా స్పీచ్‌లో ఓ ముఖ్యమైన వ్యక్తి గురించి చెప్పడం మర్చిపోయాను. నా 25 సినిమాల జర్నీలో ‘పోకిరి’ నన్ను సూపర్‌స్టార్‌ని చేసింది. ‘పోకిరి’ సినిమాను చేసిన పూరి జగన్నాథ్‌ గారికి థాంక్స్. నాకు ఎప్పటికీ గుర్తుండిపోయే చిత్రమది’’ అంటూ ఆ ట్వీట్లో పేర్కొన్నాడు మహేష్. ఇక ఈ ట్వీట్‌ పై పూరి సంతోషం వ్యక్తం చేస్తూ రిప్లై ఇచ్చాడు. ‘‘చాలా థాంక్స్ సార్.. ఎప్పటికీ మీరంటే నాకు చాలా ఇష్టం. మహర్షి ట్రైలర్ అదిరిపోయింది’’ అంటూ పూరి చెప్పుకొచ్చాడు. అంతేకాదు మన ‘ఆర్‌.ఎక్స్ 100’ హీరో కార్తికేయ కూడా ఈ ట్వీట్‌ పై స్పందించాడు. ‘‘పోకిరి మాకు ఆల్ టైమ్ ఫేవరేట్ మూవీ సార్’’ అంటూ కార్తికేయ రిప్లై ఇవ్వడం విశేషం.