ఆ యంగ్ స్టార్ హీరోకి దాదాపు డజను ఫ్లాపుల తర్వాత రెండు హిట్స్ వచ్చాయి. కట్ చేస్తే.. మళ్ళీ వరుసబెట్టి మూడు ఫ్లాపులు, మళ్ళీ ఓ సూపర్ హిట్ కొట్టాడు అని సంతోషపడేలోపే మరో ఫ్లాప్ తో కెరీర్ కష్టాల్లో పడింది. అయితే.. ఇదంతా తన ప్లానింగ్ వల్లనో లేక మరో రీజన్ అనో అనుకొంటే వేరేలా ఉండేదేమో కానీ.. ఆ యంగ్ స్టార్ హీరో తన మేనేజర్ కి సరైన ప్లానింగ్ లేకపోవడం వల్లే ఇదంతా జరిగిందని ఫిక్స్ అయిపోయాడు. అందుకే వెంటనే తన మేనేజర్ ను పీకి పడేశాడట.
ఆ యంగ్ హీరోకి మాత్రమే కాక మరికొంత మంది హీరోయిన్స్ మరియు స్టార్ హీరోస్ కి కూడా మేనేజ్ మెంట్ చేస్తున్న మన మేనేజర్ మాత్రం ఈ హటాత్పరిణామానికి షాకయ్యాడట. “నీకు సినిమాలు రాకపోతే నేనేం చేసేది?” అని ప్రశ్నించాడట కూడా. ఈ విషయంలో ఇద్దరి మధ్య దాదాపు చిన్నసైజు గొడవ/వాదన చోటు చేసుకొన్నాయట. మొత్తానికి ఇద్దరూ ఎకౌంట్స్ సెటిల్ చేసుకొని వేరైపోయారట. మరి మేనేజర్ ను మార్చినతర్వాత మన యంగ్ స్టార్ హీరో కెరీర్ ఏమేరకు సెట్ అవుతుందో చూడాలి.
