బాహుబలి కంక్లూజన్ లో అందరి దృష్టి ఆ పాట పైనే

బాహుబలి బిగినింగ్ విజయంలో పాటలు కూడా కీలక పాత్ర పోషించాయి. “మమతల తల్లి”, “ఎవరంటా.. ఎవరంట”, పచ్చబొట్టేసినట్టు.. ఇలా అన్ని పాటలు మనసుకి హత్తుకున్నాయి. ఎమ్ ఎమ్ కీరవాణి అదే ఉత్సాహంతో బాహుబలి కంక్లూజన్ కి  సాహోరే  బాహుబలి,  హంస నావ , కన్నా నిదురించారా, దండాల్లయ్య, ఒక ప్రాణం..అనే ఐదు పాటలను కంపోజ్ చేశారు. ఇందులో సాహోరే  బాహుబలి యుద్ధ నేపధ్యంలో వచ్చే పాటకాగా, ఒక ప్రాణం.. బాహుబలి మరణించే సమయంలో రానుంది. ఇక కన్నా నిదురించారా .. దండాల్లయ్య కథను నడిపించేందుకు సందర్భానుసారం వస్తాయి.

హంస నావ.. అనే సాంగ్ మాత్రం అనుష్క, ప్రభాస్ మధ్య రానుంది. బాహుబలి 1 లో ప్రభాస్, తమన్నాల కాంబినేషన్లో వచ్చిన “పచ్చ బొట్టేసినా ..” ఎంతగా పాపులర్ అయిందో, ఈ పాట అంతకంటే ఎక్కువగా ఆకట్టుకుంటుందని సినీ విశ్లేషకులు చెబుతున్నారు. ట్రైలర్ లో స్వీటీ అందంగా నృత్యం చేస్తున్నది ఈ పాటలోనేనని వారు అంచనా వేస్తున్నారు. బాహుబలి 2 ఆడియో రిలీజ్  వేడుక ఈ నెల 26 వ తేదీన  రామోజీ ఫిలిం సిటీ లోని మాహిష్మతి రాజ్యంలో వైభవంగా జరగనుంది.

Also, do SUBSCRIBE to our YouTube channel to get latest Tollywood updates.