Chiranjeevi: తెరువెనుక గాడ్ ఫాదర్ ను నడిపించింది ఆ స్టార్ హీరో నేనా?

మెగాస్టార్ చిరంజీవి తాజాగా నటించిన చిత్రం గాడ్ ఫాదర్. ఎన్నో అంచనాల నడుమ విజయదశమి సందర్భంగా ఈ సినిమా అక్టోబర్ 5వ తేదీ ప్రేక్షకుల ముందుకు రాబోతుంది. ఆచార్య వంటి డిజాస్టర్ సినిమా తర్వాత మెగాస్టార్ నటించిన గాడ్ ఫాదర్ సినిమా విడుదల కావడంతో మెగా అభిమానులు ఈ సినిమాపై ఎన్నో ఆశలు పెట్టుకున్నారు. మోహన్ రాజా దర్శకత్వంలో కొణిదెలప్రొడక్షన్స్ సూపర్ గుడ్ ఫిలిమ్స్ బ్యానర్లపై ఈ చిత్రాన్ని ఎంతో ప్రతిష్టాత్మకంగా నిర్మిస్తున్నారు.

ఇక ఈ చిత్రాన్ని మలయాళంలో సూపర్ హిట్ చిత్రం లూసిఫర్ సినిమాకు రీమేక్ చిత్రంగా తెరకెక్కిస్తున్నారు. అయితే ఈ సినిమా ద్వారా చిరంజీవి తెరపై మనకు కనిపించినప్పటికీ తెర వెనుక మాత్రం ఈ సినిమాని ముందుకు నడిపించింది మెగా పవర్ స్టార్ రామ్ చరణ్ అంటూ చిరంజీవి చేసిన వ్యాఖ్యలు వైరల్ అవుతున్నాయి.ఈ సినిమా ప్రమోషన్ కార్యక్రమాలలో భాగంగా చిరంజీవి ఈ సినిమా వెనక ఉండి సినిమాని ముందుకు నడిపించింది రామ్ చరణ్ అంటూ సంచలన వ్యాఖ్యలు చేశారు.

మలయాళ సూపర్ హిట్ సినిమా లూసిఫర్ సినిమాని చూడమని రామ్ చరణ్ తనకు సలహా ఇచ్చారని ఆ సినిమా రీమేక్ చిత్రంలో తాను పర్ఫెక్ట్ గా సరిపోతానని రామ్ చరణ్ తనకు సూచించారని తెలిపారు. అదేవిధంగా ఈ సినిమాకు మోహన్ రాజాని ఎంపిక చేయడం నుంచి నిర్మాతలు అందరిని ఒకే తాటిపై తీసుకురావడానికి ఎంతో కృషి చేశారు. అదేవిధంగా ఈ సినిమాలో సల్మాన్ ఖాన్ నటించడం వెనుక రామ్ చరణ్ ప్రమేయం ఉందని మెగాస్టార్ వెల్లడించారు.

రామ్ చరణ్ సల్మాన్ ఖాన్ తో మాట్లాడి తనని ఒప్పించి ఈ సినిమాలో నటించేలా చేశారు.ఇలా గాడ్ ఫాదర్ సినిమా విషయంలో ప్రతి ఒక్కటి రాంచరణ్ దగ్గర ఉండి చూసుకున్నారని తెర ముందు ప్రేక్షకులకు చిరంజీవి కనిపించినా తెరవెనక ఈ సినిమాని నడిపించింది మెగా పవర్ స్టార్ రామ్ చరణ్ అంటూ చిరంజీవి చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.ఎన్నో అంచనాల నడుమ ఈ సినిమా అక్టోబర్ 5వ తేదీ ప్రేక్షకుల ముందుకు రానుంది. మరి ఈ సినిమా ఎలాంటి ఫలితం అందుకుంటుందో వేచి చూడాలి.

కృష్ణ వృంద విహారి సినిమా రివ్యూ & రేటింగ్!

Most Recommended Video

అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!