Trivikram Car Cost: త్రివిక్రమ్ కొత్త కార్ ధర ఎంతో తెలుసా!

సినిమా వాళ్ల లైఫ్ అంటేనే లగ్జరీ.. కోట్లాది రూపాయల రెమ్యునరేషన్స్ తీసుకునే వారి లైఫ్ స్టైల్ మరి మామూలుగా ఉండదు కదా.. ఉండే ఇంటి దగ్గరి నుండి వాడే కార్.. పెట్టుకునే వాచ్, వేసుకునే డ్రెస్, షూస్ ఇలా అన్నీ హై ఫై గానే ఉంటాయి.. వాటి రేట్లు తెలిస్తే సామాన్య జనాలకు దిమ్మ తిరుగుతుంది కూడా.. ఇప్పటి వరకు స్టార్స్‌కి సంబంధించి ఇలాంటి వార్తలు చాలానే చూశాం కానీ.. స్టార్ రైటర్ కమ్ డైరెక్టర్ త్రివిక్రమ్ శ్రీనివాస్ ఓ లగ్జరీ కార్ కొన్నారనే న్యూస్ మాత్రం ఫస్ట్ టైం వింటున్నాం..

పైగా ఈ కార్‌ని ఆయన కోరికతో ఏం కొనలేదు.. కోపంతో కొన్నారని అంటున్నారు. వివరాల్లోకి వెళ్తే.. కార్ విండో గ్లాస్‌కి టింట్ (బ్లాక్ ఫిలిం) ఉపయోగించింనందుకు గానూ హైదరాబాద్ ట్రాఫిక్ పోలీసులు జరిమానా విధించారు.. దాంతో త్రివిక్రమ్‌కి కోపం వచ్చిందేమో కానీ.. కోట్లు ఖర్చు పెట్టి మరీ లగ్జీరియస్ బీఎండబ్ల్యూ లేటెస్ట్ మోడల్ కార్ కొనేశారు.. కొత్త కార్ కొన్నందుకు సినిమా ఇండస్ట్రీ వాళ్లు కంగ్రాట్స్ చెప్తుంటే.. ఫ్యాన్స్, నెటిజన్లు మాత్రం ‘మాటల మాంత్రికుడి కోపం ఖరీదు కోట్లలో ఉంటుంది’ అంటూ కామెంట్స్ చేస్తున్నారు..

త్రివిక్రమ్, భార్య లక్ష్మీ సౌజన్యతో కలిసి కొత్త కార్ కీస్ అందుకుంటున్న పిక్స్ ఇప్పుడు నెట్టింట వైరల్ అవుతున్నాయి.. త్రివిక్రమ్, తన భార్య చేత ఫార్చ్యూన్ సినిమాస్ అనే బ్యానర్ స్థాపించి కంటెంట్ ఉన్న చిన్న సినిమాలను నిర్మిస్తున్నారు. బీఎండబ్ల్యూ లేటెస్ట్ మోడల్ కార్ కాస్ట్ కోట్లలో ఉంటుందట.. ఇదిలా ఉంటే.. త్రివిక్రమ్ బుధవారం (నవంబర్ 30) పశ్చిమ గోదావరి జిల్లా కాళ్లకూరులోని శ్రీవెంకటేశ్వర స్వామి ఆలయాన్ని సందర్శించారు..

స్వామి, అమ్మవార్లను దర్శించుకుని ప్రత్యేక పూజలు జరిపించారు. దేవస్థానం ఛైర్మన్ దండు వెంకట కృష్ణంరాజు.. ఆయణ్ణి సత్కరించి, స్వామి వారి జ్ఞాపికను బహూకరించారు. ధర్మకర్త సభ్యులు కృష్ణ, అర్చకులు ఈ కార్యక్రమంలో పాల్గొన్నారు. అలాగే త్రివిక్రమ్ భీమవరంలోని మావూళ్లమ్మ వారిని కూడా దర్శించుకున్నారు. ఆలయ అధికారులు ఆయణ్ణి సత్కరించి.. అమ్మవారి ప్రతిమను అందజేశారు..

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..