సమంత ఎంతో ప్రతిష్ఠాత్మకంగా తీసుకొని చేసిన వెబ్ సిరీస్ ‘ది ఫ్యామిలీ మ్యాన్ 2’. తొలి వెబ్ సిరీస్ అయినప్పటికీ ఎంతో డేరింగ్గా నెగిటివ్ షేడ్స్ ఉన్న పాత్రను ఒప్పుకుంది. ఆమె గట్స్ ఏంటో చెప్పడానికి ఈ నిర్ణయమే చాలు అంటూ అభిమానులు ఆనందంగా, గర్వంగా చెప్పుకుంటున్నారు. అయితే వెబ్ సిరీస్ వచ్చాక చూసి, ‘వావ్’ అందాం అని తెగ ఎదురుచూస్తున్నారు. కానీ పరిస్థితి చూస్తే అలా కనిపించడం లేదు. వెబ్ సిరీస్ ఎప్పుడు వస్తుందో తెలియడం లేదు.
‘ఫ్యామిలీ మ్యాన్’ తొలి సీజన్ సాధించిన విజయంతో రెండో సీజన్ మీద భారీ అంచనాలే ఏర్పడ్డాయి. అందులో సమంత నటిస్తోంది అనేసరికి అవి డబుల్ అయ్యాయి. ఇక రిలీజ్ అవ్వడమే లేటు అనుకునేలోగా వివిధ కారణాలతో విడుదల వాయిదా పడుతూ వచ్చింది. నిజానికి ఈ ఏడాది మొదట్లోనే రావాల్సిన ఈ సిరీస్ను… సమ్మర్ అయ్యేలోపు తీసుకొస్తామని దర్శకులు రాజ్ అండ్ డీకే ప్రకటించారు. హమ్మయ్య వచ్చేస్తోంది మన సమంత తొలి వెబ్ సిరీస్ అని అభిమానులు అనుకున్నారు.
అయితే రాజ్ అండ్ డీకే ఇటీవల ఓ ఇంటర్వ్యూలో చెబుతున్న విధానం చూస్తుంటే సమ్మర్ సీజన్ అయ్యేలోపు విడుదలవుతుందా అనే డౌటానుమానం కలుగుతోంది. ‘ముందుగా చెప్పినట్లు సమ్మర్ సీజన్ అయ్యేలోపు విడుదల చేయడానికి ట్రై చేస్తాం’ అని చెప్పారు. అంటే క్లారిటీ లేనట్లు ఉంది. మరోవైపు జూన్ 11న ఈ సిరీస్ వస్తుందనే వార్తలు అయితే జోరుగా ఆన్లైన్లో హల్చల్ చేస్తున్నాయి. చూద్దాం… ఆ తేదీకి వస్తుందో లేదో. సామ్.. వాటీజ్ దిస్ అమ్మా.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
