The Kerala Story: బాలీవుడ్ కు పెద్ద షాకిస్తున్న ‘ది కేరళ స్టోరీ’ కలెక్షన్లు!

బాలీవుడ్లో ఈ మధ్య సరైన సక్సెస్ పడటం లేదు. భారీ అంచనాల నడుమ రిలీజ్ అయిన పెద్ద సినిమాలు కూడా భారీగా డిజాస్టర్లు అవుతున్నాయి. సల్మాన్ ఖాన్ నటించిన ‘కిసీ క భాయ్ కిసీ జాన్’ చిత్రం పెద్ద డిజాస్టర్ అయ్యింది. రూ.150 కోట్ల గ్రాస్ ను కలెక్ట్ చేయడానికి ఈ మూవీ కిందా మీదా పడింది. అయితే ఎటువంటి అంచనాలు లేకుండా రిలీజ్ అయిన ‘ది కేరళ స్టోరీ’ చిత్రం అక్కడ భారీ వసూళ్లను సాధిస్తుంది.

మే 07 న విడుదలైన (The Kerala Story) ఈ చిత్రం భారీ కలెక్షన్లు సాధిస్తూ రికార్డులు సృష్టిస్తుంది. సుదీప్తో సేన్ డైరెక్ట్ చేసిన ఈ బాలీవుడ్ చిత్రం ఆల్రెడీ రూ.147 కోట్లకు పైగా నెట్ కలెక్షన్లను సాధించింది. నిర్మాత విపుల్ అమృత్ లాల్ షా ఈ చిత్రాన్ని రూ.10 కోట్ల బడ్జెట్ తో నిర్మించినట్లు తెలుస్తోంది. సినిమాకి పెద్దగా ప్రమోషన్ కూడా చేయలేదు.ఈ సినిమా విడుదల పై నిషేధం కూడా నెలకొంది.

తమిళనాడు, కేరళ వంటి రాష్ట్రాల్లో ఈ మూవీ విడుదలయ్యే థియేటర్ల దగ్గర భారీగా సెక్యూరిటీ ఏర్పాటు చేసిన సంగతి కూడా అందరికీ తెలిసిందే. కొన్ని థియేటర్లకు ఆన్లైన్ బుకింగ్స్ కూడా నిలిపివేయడం జరిగింది. ఇలాంటి టైంలో రిలీజ్ అయిన ఈ మూవీ సూపర్ హిట్ టాక్ ను సొంతం చేసుకుంది. మరికొన్ని రోజుల్లో ఈ మూవీ రూ.200 కోట్ల క్లబ్ లో చేరే అవకాశాలు పుష్కలంగా ఉన్నాయి. పక్క రాష్ట్రాల్లో కూడా ఈ మూవీ రిలీజ్ అయ్యే అవకాశాలు ఉన్నాయి. కాబట్టి.. ఆ లెక్క ఇంకా మించినా ఆశ్చర్యపోనవసరం లేదు.

బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!

అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు