పవన్ డబ్బులను ఖర్చుపెట్టనున్న బండ్ల గణేష్!

పవర్ స్టార్ పవన్ కళ్యాణ్ ని దేవుడిగా అభిమానిస్తుంటాడు బండ్ల గణేష్. ఇతను ఆర్టిస్టుగా ఉన్నప్పటి నుంచి పవన్ తో పరిచయం ఉంది. నిర్మాతగా మారిన తర్వాత తన అభిమాన హీరోతో గబ్బర్ సింగ్ మూవీ నిర్మించి మరింత దగ్గరయ్యారు. బండ్ల గణేష్ అభిమానం మెచ్చి అతనికి పవన్ పెద్ద బాధ్యతలు అప్పగించనున్నట్లు సమాచారం. పవన్ హీరోగా నటించడమే కాదు, నిర్మాతగాను కొన్ని సినిమాలు నిర్మించాలని అనుకుంటున్నారు. ప్రస్తుతం నటన, రాజకీయ విషయాలతో తీరిక లేకుండా పోతుండడంతో తన బ్యానర్ క్రియేటివ్ వర్క్స్ బాధ్యతలు అన్నీ బండ్ల గణేష్ కి ఇస్తున్నట్లు ఫిలిం నగర్లో వార్త చక్కర్లు కొడుతోంది.  డబ్బులు పవన్ వి,  వాటిని జాగ్రత్తగా ఖర్చు చేసే పని బండ్ల గణేష్ చేసుకోనున్నాడు. కుటుంబ సభ్యులు, ఆప్త మిత్రులు ఎంతో మంది ఉండగా గణేష్ కి ఇవ్వడంపై అందరూ ఆశ్చర్యపోతున్నారు. రామ్ చరణ్, సాయి ధరమ్ తేజ్ కోసం కథలను ఫైనల్ చేసే పనిలో బండ్ల దిగాడు. పవన్ కళ్యాణ్ బ్యానర్లో ఏ మెగా హీరో సినిమా ముందుగా  సెట్స్ మీదకు వెళుతుందోనని అందరూ ఆసక్తిగా ఎదురు చూస్తున్నారు.

Also, do SUBSCRIBE to our YouTube channel to get latest Tollywood updates.