Samantha: సమంత ‘సోషల్‌’ పేరు మారడానికి మరో రీజన్‌ ఉందట!

గత కొద్ది రోజులుగా టాలీవుడ్‌ వర్గాలు, సోషల్‌ మీడియాలో జరిగిన ఆసక్తికరమైన చర్చ ‘సమంత పేరు మార్పు’. అయితే ఆ పేరు మార్పుల బయట కాదు… సోషల్‌ మీడియాలో. సమంత అక్కినేని అని ఉన్న పేరును కేవలం ‘S’ అని మాత్రమే ఉంచింది. దీంతో ఏమైంది, సమంత పేరెందుకు మార్చుకుంది అంటూ అందరూ రకరకాల చర్చలు మొదలుపెట్టారు. ఏదైనా జరుగుతోందా అంటూ అంచనాలు కూడా మొదలెట్టేశారు. అయితే దీనిపై సమంత ఇప్పటివరకు స్పందించలేదు.

సమంత మౌనం వెనుక కారణం ఏంటి అని చాలా మంది ప్రశ్నిస్తున్నారు. సోషల్‌ మీడియాలో కూడా ఈ ప్రశ్న వైరల్‌ అయ్యింది. అయితే దీనికి కారణం ఓ ఫ్యాషన్ కలెక్షన్‌ ప్రచారమే అని తెలుస్తోంది. సమంత కొత్తగా ఓ ఫ్యాషన్‌ కలెక్షన్‌కు బ్రాండ్‌ అంబాసిడర్‌ సైన్‌ చేసిందని, దాని ప్రచారం కోసమే ఈ ‘ఎస్‌’ను సోషల్‌ మీడియా హ్యాండిల్‌లో ప్రత్యేకంగా ఉంచిందని అంటున్నారు. అయితే ఇక్కడే మరో ప్రశ్న కూడా వస్తోంది.

సమంత ప్రస్తుతం ‘శాకుంతలం’ అనే సినిమా చేస్తోంది. మరోవైపు ‘సాకి’ అనే ఫ్యాషన్‌ బ్రాండ్‌ను నిర్వహిస్తోంది. ఇన్నాళ్లూ ఈ రెండింటిలో ఏదో ఒకదాని కోసం ఇలా ‘ఎస్‌’ అని పేరు పెట్టిందేమో అని అనుకున్నారు కొందరు. అయితే ఈ రెండూ కాకుండా కొత్తగా మూడో ‘ఎస్‌’ ఆమె జీవితంలోకి వచ్చింది అంటున్నారు. అదేంటో… దాని వివరాలేంటో సమంత త్వరలో చెబుతుందేమో.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!