చిరంజీవి, చరణ్ కాంబినేషన్ లో కొరటాల శివ డైరెక్షన్ లో తెరకెక్కిన ఆచార్య సినిమా మరో 9 రోజుల్లో థియేటర్లలో రిలీజ్ కానుంది. ఇప్పటికే విడుదలైన ఆచార్య ట్రైలర్ సినిమాపై అంచనాలను ఊహించని స్థాయిలో పెంచింది. ట్రైలర్ లో చరణ్ కే ప్రాధాన్యత ఇచ్చినా సినిమాలో చిరంజీవి పాత్రే పెద్దదనే సంగతి తెలిసిందే. ఆచార్య సినిమాను తెలుగులో మాత్రమే రిలీజ్ చేస్తున్నామని ఇప్పటికే మేకర్స్ క్లారిటీ ఇచ్చారు. అయితే ఆచార్య ట్రైలర్ ను చూసిన చరణ్ బాలీవుడ్ ఫ్యాన్స్ మాత్రం ఈ సినిమాను హిందీలో కూడా విడుదల చేస్తే బాగుంటుందని అభిప్రాయం వ్యక్తం చేస్తున్నారు.
ఆచార్య ట్రైలర్ తమకు ఎంతగానో నచ్చిందని హిందీలో ఈ సినిమాను విడుదల చేస్తే బాలీవుడ్ లో కూడా ఈ సినిమా కళ్లు చెదిరే స్థాయిలో కలెక్షన్లను సాధిస్తుందని ఫ్యాన్స్ భావిస్తున్నారు. అయితే మేకర్స్ ఆలోచన మాత్రం మరో విధంగా ఉంది. ఆచార్యలో చరణ్ ఫుల్ లెంగ్త్ రోల్ లో నటించలేదు కాబట్టి ఈ సినిమాను బాలీవుడ్ లో రిలీజ్ చేసినా చరణ్ కెరీర్ కు ప్లస్ కాదని మేకర్స్ భావిస్తున్నారని బోగట్టా.
ఆచార్య విడుదలై తెలుగులో సక్సెస్ సాధిస్తే మేకర్స్ బాలీవుడ్ లో కూడా రిలీజ్ చేయడానికి ఆసక్తి చూపుతారేమో చూడాల్సి ఉంది. సాధారణంగా కొన్ని సినిమాలు మాత్రమే బాలీవుడ్ లో విడుదల చేయడానికి అనుకూలంగా ఉంటాయి. భీమ్లా నాయక్ సినిమాను హిందీలో రిలీజ్ చేస్తామని మేకర్స్ వెల్లడించినా వేర్వేరు కారణాల వల్ల మేకర్స్ ఈ నిర్ణయం విషయంలో వెనక్కు తగ్గారు. ఖిలాడీ సినిమాను హిందీలో విడుదల చేయగా ఆ సినిమా అక్కడ కూడా డిజాస్టర్ రిజల్ట్ ను సొంతం చేసుకుందనే సంగతి తెలిసిందే. ఈ కారణాల వల్లే టాలీవుడ్ నిర్మాతలు హిందీ సినిమాల విడుదల విషయంలో ఆచితూచి వ్యవహరిస్తున్నారు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
