Naga Chaitanya: ఆ తప్పు వల్లే చైతన్య సినిమాలు ఫ్లాప్ అవుతున్నాయా?

టాలీవుడ్ హీరోలలో ఒకరైన నాగచైతన్య నటించిన సినిమాలలో మెజారిటీ సినిమాలు సక్సెస్ సాధించాయి. గతేడాది కూడా బంగార్రాజు సినిమాతో చైతన్య సక్సెస్ ను ఖాతాలో వేసుకున్నారు. అయితే ఆ తర్వాత చైతన్య నటించి విడుదలైన థాంక్యూ, లాల్ సింగ్ చడ్డా సినిమాలు చైతన్య అభిమానులను సైతం ఆకట్టుకోలేదు. నాగచైతన్య దూత అనే వెబ్ సిరీస్ లో నటించగా ఈ వెబ్ సిరీస్ గురించి కూడా ఎలాంటి అప్ డేట్ లేదనే సంగతి తెలిసిందే.

ప్రస్తుతం నాగచైతన్య వెంకట్ ప్రభు డైరెక్షన్ లో కస్టడీ సినిమాలో నటిస్తుండగా ఈ సినిమాపై పరవాలేదనే స్థాయిలో అంచనాలు సంగతి తెలిసిందే. అయితే చైతన్య కథల విషయంలో మరింత జాగ్రత్తగా వ్యవహరించాల్సిన అవసరం ఉందని కామెంట్లు వ్యక్తమవుతున్నాయి. తెలుగులో చాలామంది హీరోలకు ఇప్పటికే పాన్ ఇండియా హీరోలుగా గుర్తింపు ఉంది. ఏజెంట్ మూవీతో అఖిల్ కు కూడా పాన్ ఇండియా హీరోగా గుర్తింపు వచ్చే ఛాన్స్ ఉంది. రొటీన్ కథలకు కాలం చెల్లిన నేపథ్యంలో సినిమాల ఎంపికలో నాగచైతన్య మరింత అప్రమత్తంగా వ్యవహరించాల్సి ఉంది.

నాగచైతన్య భిన్నమైన కథలకు గ్రీన్ సిగ్నల్ ఇవ్వాలని అదే సమయంలో ఆ సినిమాలు కచ్చితంగా సక్సెస్ సాధించే విధంగా జాగ్రత్తలు తీసుకోవాలని ఫ్యాన్స్ కోరుకుంటున్నారు. చైతన్య కూడా పాన్ ఇండియా ప్రాజెక్ట్ లపై దృష్టి పెట్టాల్సిన అవసరం అయితే ఉంది. టాలీవుడ్ ఇండస్ట్రీలో చాలామంది హీరోలు క్లాస్ సినిమాలలో నటించి ఫ్లాప్ లను మూటగట్టుకున్నారు.

అయితే నాగచైతన్యకు మాత్రం తాను నటించిన సినిమాలలో క్లాస్ సినిమాలే ఎక్కువగా విజయాలను అందించాయి. సరైన ప్రాజెక్ట్ లను ఎంచుకుంటే నాగచైతన్య క్రేజ్ కు ఆయన ఎక్కడో ఉండేవారని కామెంట్లు వ్యక్తమవుతున్నాయి. చైతన్య కెరీర్ ప్లానింగ్ ఏ విధంగా ఉండబోతుందో చూడాల్సి ఉంది.

8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!

రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!