Mahesh Babu: మహేష్ ఆ సినిమా చేసి ఉంటే కెరీర్ క్లోజ్ అయ్యేది!

టాలీవుడ్ లో సూపర్ స్టార్ మహేష్ బాబు ని మించిన స్క్రిప్ట్ సెలక్షన్ స్కిల్స్ ఉన్నవాళ్లు ఎవ్వరూ లేరని విశ్లేషకులు అంటూ ఉంటారు. అందులో ఎలాంటి సందేహం లేదని, ఆయన సినిమాలే సమాధానం చెప్తాయి. సూపర్ స్టార్ ఇమేజ్ ఉన్నప్పటికీ కూడా మహేష్ బాబు ప్రయోగాలు చెయ్యడం లో ఏనాడు కూడా వెనకడుగు వెయ్యలేదు. అందుకే ఆయన సినిమాలు కొన్ని కారణాల వల్ల ఫ్లాప్ అయినా కూడా టీవీ టెలికాస్ట్ అప్పుడు మాత్రం అద్భుతమైన రెస్పాన్స్ ని దక్కించుకుంటాయి. ఎంత పెద్ద స్టార్ డైరెక్టర్ అయినా కూడా మహేష్ కి స్టోరీ నచ్చకపోతే చెయ్యదు.

గతం లో సౌత్ ఇండియన్ సెన్సేషనల్ డైరెక్టర్ శంకర్ కూడా మహేష్ కి ఒక స్టోరీ వినిపిస్తే ఆయన రీమేక్ సబ్జెక్టు అని ఒప్పుకోలేదు. అలా ఆయన రిజెక్ట్ చేసిన డైరెక్టర్స్ లిస్ట్ చాలానే ఉంది. అయితే మహేష్ బాబు ఒక ఘోరమైన డిజాస్టర్ ఫ్లాప్ నుండి తప్పించుకున్నాడు. ఒకప్పుడు పాన్ ఇండియా లెవెల్ లో టాప్ డైరెక్టర్స్ లో ఒకడిగా కొనసాగి, ఆ తర్వాత కొన్ని అనుకోని సంఘటనల వల్ల మతి స్థిమితం లేని వాడిలాగా ప్రవర్తిస్తున్న రామ్ గోపాల్ వర్మ, మహేష్ బాబు తో ‘బిజినెస్ మేన్’ చిత్రం తర్వాత ఒక సినిమా చెయ్యాలి అనుకున్నాడట.

ఆ సినిమా మరేదో కాదు, నాగార్జున తో చేసిన ‘ఆఫీసర్’ సబ్జెక్టు. ఈ చిత్రాన్ని రామ్ గోపాల్ వర్మ మహేష్ బాబు కోసమే రాసుకున్నాడు అట. అప్పట్లో ‘బిజినెస్ మేన్ ‘ తర్వాత చేద్దాం అనుకున్నాడట , మహేష్ కి స్టోరీ లైన్ వినిపించిన తర్వాత మళ్ళీ ఎప్పుడైనా చూద్దాం లేండి సార్, ప్రస్తుతానికి చాలా కమిట్మెంట్స్ ఉన్నాయి అని తప్పించుకున్నాడట.

పాపం ఆ సబ్జెక్టు కొన్ని సంవత్సరాల తర్వాత అక్కినేని నాగార్జున చేసి డిజాస్టర్ ఫ్లాప్ అందుకున్నాడు. అప్పటి వరకు అగ్రశ్రేణి కథానాయకులలో ఒకడిగా కొనసాగిన నాగార్జున ఈ సినిమా తో కెరీర్ మొత్తాన్ని పోగొట్టుకున్నాడు. ఆ రోజుల్లో ఈ చిత్రం సున్నా షేర్ ని సొంతం చేసుకుంది. ఒకవేళ మహేష్ బాబు ఈ సినిమా చేసి ఉంటే ఆయన కెరీర్ కూడా ఇలాగే అయ్యేదేమో!

జైలర్ సినిమా రివ్యూ & రేటింగ్!

భోళా శంకర్ సినిమా రివ్యూ & రేటింగ్!
‘భోళా శంకర్’ తో పాటు సిస్టర్ సెంటిమెంట్ తో రూపొందిన సినిమాల లిస్ట్..!