Jr NTR, Priyamani: యమదొంగ సినిమా చేయడానికి ఒకే ఒక్క కారణం: ప్రియమణి

ఒకప్పుడు క్యూట్ హీరోయిన్ గా తనకంటూ ఒక ప్రత్యేకమైన గుర్తింపును అందుకున్న ప్రియమణి చాలా తక్కువ కాలంలోనే పెద్ద సినిమాల్లో అవకాశాలు అందుకుంది. కెరీర్ మొదట్లో అమ్మడు సీనియర్ జూనియర్ అని తేడా లేకుండా అందరి హీరోలతో సినిమాలు చేసింది. ఒకవైపు జగపతిబాబు వంటి హీరోతో వరుసగా సినిమాలు చేస్తూనే మరోవైపు ఎన్టీఆర్, నాగార్జున వంటి వారితో కూడా సినిమాలు చేసింది. అయితే ప్రియమణి ఎన్ని సినిమాలు చేసినా కూడా ఈ బ్యూటీ కెరీర్ లో మంచి విజయాన్ని అందుకున్న సినిమాలు చాలా తక్కువగానే ఉన్నాయి.

ఇక అందులో యమదొంగ సినిమా ఒకటి. రాజమౌళి, జూనియర్ ఎన్టీఆర్ కాంబినేషన్ లో వచ్చిన ఆ మూడవ సినిమా బాక్సాఫీస్ వద్ద భారీ స్థాయిలో విజయాన్ని అందుకుంది. అప్పట్లో ఒక సెన్సేషన్ రికార్డు క్రియేట్ చేసిందనే చెప్పాలి. అయితే ఇటీవల ఇచ్చిన ఇంటర్వ్యూలో ప్రియమణి ఆ సినిమాకు సంబంధించిన విశేషాలను గుర్తు చేసుకుంటూ ఆ సినిమా చేసేందుకు గల అసలు కారణాన్ని తెలియజేసింది. యమదొంగ ఆఫర్ వస్తే సాధారణంగా అందరూ కూడా రాజమౌళి దర్శకుడు కాబట్టి పెద్దగా ఆలోచించకుండా ఒప్పుకుంటారు.

కానీ ఆ సినిమాలో కేవలం ఎన్టీఆర్ హీరో అనే కారణం చేతనే సినిమా చేసేందుకు ఒప్పుకుందట. ఎన్టీఆర్ నటన, డ్యాన్స్ అనే తనకు చాలా ఇష్టమని అలాంటి టాలెంటెట్ యాక్టర్ తో నటించడానికి మరొక కారణం వెతుక్కోవాల్సిన పని ఉండదని అందుకే యమదొంగ సినిమాలో జూనియర్ ఎన్టీఆర్ ఒక్కడి వల్లనే చేసినట్లుగా ప్రియమణి తెలియజేసింది. ఎన్టీఆర్ అంటే ఇప్పటికి కూడా తన ఆల్ టైమ్ ఫెవరెట్ హీరో అని తెలియజేసింది.

ఇక యమదొంగ సినిమా కూడా తన కెరీర్ లో బెస్ట్ మూవీగా నిలిచినట్లుగా గుర్తు చేసుకుంది. కానీ ఆ సినిమా సక్సెస్ ను ప్రియమణి ఎక్కువ కాలం కాంటిన్యూగా కొనసాగించలేకపోయింది. ఇక ప్రస్తుతం ప్రియమణి తన వయసుకు తగ్గట్టుగా డిఫరెంట్ పాత్రల్లో నటించేందుకు ఆసక్తిని చూపిస్తుంది.

గుడ్ లక్ సఖి సినిమా రివ్యూ & రేటింగ్!

Most Recommended Video

అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!