దర్శకధీరుడు ఎస్.ఎస్. రాజమౌళి అద్భుత సృష్టి బాహుబలి బిగినింగ్ లో స్వీటీ అనుష్క డీ గ్లామర్ గా కనిపించింది. మహేంద్ర బాహుబలి తల్లి దేవసేనగా ఆమె నటనకు అభిమానులు జేజేలు పలికినప్పటికీ.. యుద్ధ విన్యాసాలు లేవని నిరుత్సాహ పడ్డారు. బాహుబలి కంక్లూజన్ కోసం ఎదురుచూస్తున్నారు. వారికోసం జక్కన్న గణతంత్ర దినోత్సవం రోజున దేవసేన యువతిగా ఉన్న లుక్ ని రిలీజ్ చేశారు. అమరేంద్ర బాహుబలి(ప్రభాస్)తో దేవసేన(అనుష్క) ఉన్న స్టిల్ను సోషల్ మీడియాలో విడుదల చేశారు. ఇందులో అమరేంద్ర బాహుబలితో కలిసి దేవసేన విల్లు పట్టుకొని బాణం గురిచూస్తున్న ఫోజులో కనిపించారు. ఈ స్టిల్ లో ప్రభాస్, అనుష్క లు అందం, అభినయంలో ఒకరినొకరు పోటీ పడుతున్నట్లు ఉంది.
ఈ ఫోటో అందరినీ ఆకట్టుకుంది. కొన్నిరోజుల క్రితం షూటింగ్ పూర్తిచేసుకున్న ఈ చిత్రం ప్రస్తుతం పోస్ట్ ప్రొడక్షన్ వర్క్ జరుపుకుంటోంది. అత్యంత భారీ బడ్జెట్ తో రూపుదిద్దికుంటున్న ఈ ఫిల్మ్ ఏప్రిల్ 28న ప్రపంచ వ్యాప్తంగా రిలీజ్ కానుంది. ప్రభాస్, అనుష్క, తమన్నా, రానా, రమ్యకృష్ణ, నాజర్ తదితరులు నటించిన ఈ మూవీ వెయ్యికోట్ల కలక్షన్స్ రాబడుతుందని రాజమౌళి అంచనా వేస్తున్నారు.
Also, do SUBSCRIBE to our YouTube channel to get latest Tollywood updates.
