నాచురల్ స్టార్ నాని లేటెస్ట్ మూవీ టక్ జగదీశ్ ని మొదట థియేటర్స్ లోనే విడుదల చేయాలని భావించారు యూనిట్. అయితే ప్రస్తుతం చాలా ఏరియాల్లో థియేటర్స్ తేర్చుకోకపోవడంతో పాటు పూర్తి స్థాయిలో ఆడియన్స్ కూడా వచ్చే పరిస్థితి లేకపోవడంతో దానిని అమెజాన్ ప్రైమ్ ఒటిటి కి ఇచ్చినట్లు తెలుస్తోంది. అందుతున్న న్యూస్ ప్రకారం ఆ మూవీ సెప్టెంబర్ 10న ప్రైమ్ లో విడుదల కానున్నట్లు తెలుస్తోంది. అయితే అదే రోజున నాగ చైతన్య, సాయి పల్లవి ల లవ్ స్టోరీ థియేటర్స్ లో విడుదల కానుంది అంటూ ఆ మూవీ మేకర్స్ అంతకముందు అనౌన్స్ చేయడం జరిగింది.
కాగా తెలంగాణలో థియేటర్స్ తెరిచే విషయమై నిన్న థియేటర్ ఓనర్స్, సినిమా ప్రొడ్యూసర్స్, ఎగ్జిబీటర్స్ కలిసి హైదరాబాద్ లో ఒక మీటింగ్ ఏర్పాటు చేసారు. అందులో భాగం లవ్ స్టోరీ మూవీ నిర్మాత ఏషియన్ సునీల్ మాట్లాడుతూ, తమ సినిమా విడుదల అనౌన్స్ చేసిన తరువాత నాని గారి మూవీ ని ఒటిటి లో విడుదల అంటూ మేకర్స్ అనౌన్స్ చేయడం కరెక్ట్ కాదని అన్నారు. మరోవైపు ఈ విషయమై మరికొంత మంది థియేటర్స్ ఓనర్స్ ఇక పై నాని మూవీస్ థియేటర్స్ లో రిలీజ్ చేయనివ్వం అంటూ మాట్లాడడంతో ఇది కొంత వివాదాస్పదమైంది. ఈ విషయంలో నాని ని టార్గెట్ చేసి మాట్లాడడం కరెక్ట్ కాదని కొందరు సినిమా ప్రముఖులు చెప్పడం జరిగింది.
అయితే దీనిని మరింతగా వివాదం చేయడం ఇష్టం లేని తెలంగాణ థియేటర్స్ ఓనర్స్, నాని కి క్షమాపణలు చెప్తూ కొద్దిసేపటి క్రితం ఒక ప్రెస్ నోట్ విడుదల చేసారు. ఎవరిని ఉద్దేశ పూర్వకంగా నింధించాలని లేదని సగటు నిర్మాత పరిస్థితిని అర్థం చేసుకోవాలని అలా ఆవేదనతో మాట్లాడినట్లు చెప్పారు. అదే విధంగా ఎవరి పైనా కూడా భవిష్యత్తు ఎలాంటి నిర్ణయాలు తీసుకోమని కూడా అన్నారు. ఇక టక్ జగదీశ్ నిర్మాతలకు ఇబ్బంది కలగకూడదనే ఉద్దేశ్యంతోనే నాని ఎంతో ఆవేదన పడుతూ మూవీ ని ఓటిటీ లో విడుదల చేస్తున్నాం అంటూ ప్రకటన రిలీజ్ చేసినా కూడా ఆయనని టార్గెట్ చేసేలా కొందరు వ్యాఖ్యానించడం సరైనది కాదని పలువురు ఫ్యాన్స్ తమ సోషల్ మీడియా అకౌంట్స్ ద్వారా ఆవేదనతో కామెంట్స్ చేస్తున్నారు. అయితే మొత్తంగా చివరికి థియేటర్స్ ఓనర్స్ వారు క్షమాపణలు చెప్పడంతో ఈ వివాదం ఇంతటితో ముగిసినట్లయింది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
