“ఢీ” సీజన్ గురించి తెలియనివారుండరు. ఆ డ్యాన్స్ షో ద్వారానే సెన్సేషనల్ బ్యూటీ సాయిపల్లవి తెలుగు ప్రేక్షకులకి పరిచయమైంది. ఆ షో ఎంత పాపులర్ అంటే.. ఆ షో యూట్యూబ్ వ్యూస్ కౌంట్ మన భూమండలం మీద జనాభా అంత. ఇప్పటివరకూ 10 సీజన్లు రాగా అన్నీ సూపర్ హిట్సే, అందుకే 11వ సీజన్ ను రెడీ చేస్తోంది మల్లెమాల ఎంటర్ టైన్మెంట్. ఈ షోను డ్యాన్స్ పెర్ఫార్మెన్స్ ల కోసం చూసేవారికంటే ఎక్కువగా సదరు షోలో సుధీర్ & రష్మీ జంట చేసే కామెడీ ఎపిసోడ్స్ చూసేవారి సంఖ్య ఎక్కువ. కానీ.. ఈసారి సదరు కామెడీ ఎపిసోడ్స్ కోసం ఢీ షో చూసేవారికి నిరాశ మిగులుతుంది.
అందుకు కారణం సీజన్ 11 కోసం సుధీర్, ప్రదీప్, ప్రియమణి, శేఖర్ మాస్టర్ కొనసాగుతుండగా.. రష్మీ మాత్రం ఈ సీజన్ నుంచి అవుట్ అయ్యిందట. ఆమెకు బదులుగా బిగ్ బాస్ ఫేమ్ భాను శ్రీ ఈ సీజన్ కి ఒన్నఫ్ ది హోస్ట్ గా ఉండబోతోంది. ఈ విషయం తెలియడంతో రష్మీ ఫ్యాన్స్ అందరూ షాక్ కు గురవ్వడమే కాక భాను శ్రీ సదరు షోలోని ప్లేస్ లో సెట్ అవ్వదని ఇంకొందరు భావిస్తున్నారు. చూద్దాం మరి ఏం జరుగుతుందో.
