స్టార్ హీరో బాలకృష్ణ సినీ కెరీర్ లో బిగ్గెస్ట్ హిట్ ఏదనే ప్రశ్నకు అఖండ సినిమా పేరు సమాధానంగా వినిపిస్తోంది. ఏపీలో తక్కువ టికెట్ రేట్లు అమలవుతున్న సమయంలో ఈ సినిమా విడుదల కాగా నిర్మాతలకు ఈ సినిమా 20 కోట్ల రూపాయల లాభాలను అందించింది. అఘోరా గెటప్ లో బాలయ్య అద్భుతమైన నటన, బాలయ్య సినిమాలో చెప్పిన పవర్ ఫుల్ డైలాగ్స్ సినిమా సక్సెస్ లో కీలక పాత్ర పోషించాయి.
అయితే టికెట్ రేట్లు పెరిగిన తర్వాత అఖండ సినిమాను రిలీజ్ చేసి ఉంటే మాత్రం ఈ సినిమా కచ్చితంగా 100 కోట్ల రూపాయల షేర్ కలెక్షన్లను సాధించి ఉండేదని ఫ్యాన్స్ భావిస్తున్నారు. అమెరికాలో కూడా అఖండ భారీ స్థాయిలో కలెక్షన్లను సాధించింది. అఖండ సినిమాను హిందీలో కూడా విడుదల చేసి ఉంటే బాగుండేదని కామెంట్లు వినిపించాయి. యాక్షన్ సినిమాలను హిందీ ప్రేక్షకులు ఎంతగానో ఆదరిస్తారు. అఖండ మేకర్స్ హిందీలో ఈ సినిమాను థియేటర్లలో రిలీజ్ చేయకుండా తప్పు చేశారని కొంతమంది ఫ్యాన్స్ భావిస్తున్నారు.
సాధారణంగా బోయపాటి శ్రీను తన పారితోషికాన్ని తగ్గించుకుని మరీ సినిమాను క్వాలిటీతో తెరకెక్కించాలని భావిస్తారు. అఖండ సినిమా కోసం బోయపాటి శ్రీను సైతం తక్కువ మొత్తం రెమ్యునరేషన్ తీసుకోవడం గమనార్హం. బాలయ్యకు తగిన కథలను తెరకెక్కించే డైరెక్టర్ బోయపాటి మాత్రమే అని ఫ్యాన్స్ సైతం ఫిక్స్ అవుతున్నారు.
సాధారణంగా దర్శకులను అభిమానించే అభిమానులు తక్కువగా ఉంటారు. అయితే సీడెడ్ లో మాత్రం బోయపాటి శ్రీనుకు ఊహించని స్థాయిలో ఫ్యాన్ ఫాలోయింగ్ ఉంది. బోయపాటి డైరెక్షన్ లో తెరకెక్కిన సినిమాలకు ఇక్కడ భారీగా బిజినెస్ జరగడంతో పాటు కలెక్షన్లు సైతం ఊహించని స్థాయిలో వస్తున్నాయి. బాలయ్య, బోయపాటి శ్రీను తర్వాత ప్రాజెక్ట్ లతో విజయాలను అందుకోవాలని ఫ్యాన్స్ కోరుకుంటున్నారు.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home