Pawan Kalyan, Mahesh Babu: పవన్, మహేష్ మధ్య ఉన్న పోలికలివే.. మంజుల కామెంట్స్ వైరల్!

టాలీవుడ్ ఇండస్ట్రీలో పవన్ కళ్యాణ్ (Pawan Kalyan) , మహేష్ బాబులకు (Mahesh Babu) ఏ స్థాయిలో క్రేజ్ ఉందో ప్రత్యేకంగా చెప్పాల్సిన అవసరం లేదు. దాదాపుగా ఒకే సమయంలో సినిమాల్లోకి ఎంట్రీ ఇచ్చిన పవన్ కళ్యాణ్, మహేష్ బాబు ఈ రంగంలో ఊహించని స్థాయిలో సక్సెస్ సాధించారు. అయితే ఈ ఇద్దరు స్టార్ హీరోల మధ్య కొన్ని పోలికలు ఉన్నాయని మంజుల చెప్పిన విషయాలు ప్రస్తుతం నెట్టింట తెగ వైరల్ అవుతున్నాయి. మహేష్ బాబు, పవన్ కళ్యాణ్ హెల్దీ కాంపిటీషన్ ఉన్న ఇద్దరు మంచి హీరోలు అని మంజుల వెల్లడించారు.

తమ మనస్సు చెప్పిందే ఈ ఇద్దరు స్టార్ హీరోలు ఫాలో అవుతారని మంజుల (Manjula) పేర్కొన్నారు. అటు పవన్ ఇటు మహేష్ బాబు వాళ్లకు నచ్చిందే చేస్తారని ఆమె చెప్పుకొచ్చారు. ఈ ఇద్దరు స్టార్ హీరోలు వాళ్లకు నచ్చిన లోకంలోనే ఉంటారని ఈ ఇద్దరు హీరోల మధ్య ఎన్నో పోలికలు కనిపిస్తాయని మంజుల వెల్లడించారు. మంజుల చేసిన కామెంట్స్ అటు పవన్ ఫ్యాన్స్ కు ఇటు మహేష్ ఫ్యాన్స్ కు ఎంతో సంతోషాన్ని కలిగిస్తున్నాయి.

మహేష్ బాబు ప్రస్తుతం జక్కన్న (Rajamouli) సినిమా కోసం లుక్ ను మార్చుకునే పనిలో బిజీగా ఉండగా పవన్ కళ్యాణ్ ఎన్నికల ఫలితాల కోసం ఆసక్తిగా ఎదురుచూస్తున్నారు. పవన్ కళ్యాణ్, మహేష్ బాబులను అభిమానించే ఫ్యాన్స్ సంఖ్య పెరుగుతుండటం గమనార్హం. మహేష్ రాజమౌళి కాంబో మూవీ 1000 కోట్ల రూపాయల రేంజ్ లో బడ్జెట్ తో తెరకెక్కుతోంది. పవన్ కళ్యాణ్ సినిమాలు సైతం ఒకింత భారీ బడ్జెట్ తో తెరకెక్కుతున్నాయి.

మహేష్, పవన్ కళ్యాణ్ కాంబోలో సినిమాలు రావాలని ఫ్యాన్స్ కోరుకుంటుండగా ఈ కాంబినేషన్ లో సినిమా వస్తుందేమో చూడాల్సి ఉంది. మహేష్, పవన్ రాబోయే రోజుల్లో మరిన్ని క్రేజీ ప్రాజెక్ట్ లతో ప్రేక్షకుల ముందుకు వస్తారేమో చూడాలి. ఈ ఇద్దరు హీరోలకు ఇతర భాషల్లో సైతం ఫ్యాన్స్ పెరుగుతున్నారు.