Rajanikanth, Anirudh: రజనీకి అనిరుధ్ పై ప్రత్యేక అభిమానం ఉండటానికి అసలు కారణమిదా?

August 18, 2023 / 06:48 PM ISTByFilmy Focus

Join Us

Rajanikanth, Anirudh: రజనీకి అనిరుధ్ పై ప్రత్యేక అభిమానం ఉండటానికి అసలు కారణమిదా?

సూపర్ స్టార్ రజనీకాంత్ జైలర్ సినిమాతో సక్సెస్ ట్రాక్ లోకి వచ్చారు. ఇప్పటికే ఈ సినిమా 400 కోట్ల రూపాయల రేంజ్ లో కలెక్షన్లను సాధించింది. ఈ సినిమా కోసం రజనీకాంత్ ఏకంగా 110 కోట్ల రూపాయల రేంజ్ లో పారితోషికం తీసుకున్నారని సమాచారం అందుతోంది. జైలర్ సినిమాకు అనిరుధ్ మ్యూజిక్, బీజీఎం హైలెట్ గా నిలిచాయి. అనిరుధ్ కాకుండా మరొక మ్యూజిక్ డైరెక్టర్ ఈ సినిమా కోసం పని చేసి ఉంటే జైలర్ సినిమా ఈ రేంజ్ లో సక్సెస్ అయ్యేది కాదు.

అయితే రజనీకాంత్, అనిరుధ్ బంధువులనే విషయం చాలామందికి తెలియదు. తమిళ నటుడు రవి రాఘవేంద్ర కొడుకు అనిరుధ్ అనే సంగతి తెలిసిందే. రజనీకాంత్ కు అనిరుధ్ వరుసకు మేనల్లుడు అవుతాడని తెలుస్తోంది. రజనీకాంత్ భార్య తరపు నుంచి కూడా అనిరుధ్ రజనీకి బంధువు అవుతారని సమాచారం. జైలర్ ఆడియా లాంఛ్ సమయంలో రజనీ అనిరుధ్ ను కౌగిలించుకుని ముద్దులు పెట్టిన సంగతి తెలిసిందే.

అనిరుధ్ పై ఉండే ప్రత్యేక అభిమానం వల్లే (Rajanikanth) రజనీకాంత్ ఈ విధంగా చేశారని తెలుస్తోంది. రజనీపై అనిరుధ్ కు కూడా అభిమానం ఉండటంతో జైలర్ సినిమా సాంగ్స్, బిజీఎం విషయంలో ప్రత్యేక శ్రద్ధ పెట్టారని తెలుస్తోంది. జైలర్ సక్సెస్ లో అనిరుధ్ కు కూడా వాటా ఉందని ప్రత్యేకంగా చెప్పాల్సిన అవసరం లేదు. అనిరుధ్ రెమ్యునరేషన్ ప్రస్తుతం 10 కోట్ల రూపాయల కంటే ఎక్కువ మొత్తంగా ఉంది.

టాలీవుడ్ దర్శకులు తమ భవిష్యత్తు ప్రాజెక్ట్ ల కోసం అనిరుధ్ ను సంప్రదిస్తున్నారని ప్రచారం జరుగుతోంది. అనిరుధ్ మాత్రం కథ అద్భుతంగా ఉన్న సినిమాలకు మాత్రమే గ్రీన్ సిగ్నల్ ఇస్తున్నారు. కొంతమంది దర్శకులు తమ సినిమాలలో హీరోగా ఎవరు నటించినా అనిరుధ్ కు ఛాన్స్ ఇవ్వడానికి ఆసక్తి చూపిస్తున్నారు. అనిరుధ్ రేంజ్ అంతకంతకూ పెరుగుతుండటంతో ఫ్యాన్స్ సంతోషిస్తున్నారు.