టాలీవుడ్ స్టార్ హీరో ప్రభాస్ (Prabhas) సినిమాలకు టాక్ తో సంబంధం లేకుండా రికార్డ్ స్థాయిలో కలెక్షన్లు వస్తాయనే సంగతి తెలిసిందే. ప్రభాస్ సినిమాలకు భారీ స్థాయిలో బిజినెస్ జరుగుతోంది. ప్రభాస్ సినీ కెరీర్ లో తొలి బిగ్గెస్ట్ బ్లాక్ బస్టర్ మూవీ ఏదనే ప్రశ్నకు వర్షం (Varsham) సినిమా పేరు సమాధానంగా వినిపిస్తుంది. శోభన్ (Sobhan) డైరెక్షన్ లో సుమంత్ ఆర్ట్ ప్రొడక్షన్స్ బ్యానర్ పై తెరకెక్కిన ఈ సినిమా అప్పట్లో నిర్మాతలకు మంచి లాభాలను అందించింది.
టాలీవుడ్ నటుడు నవీన్ చంద్ర వర్షం మూవీ సమయంలో ప్రభాస్ క్రేజ్ గురించి షాకింగ్ విషయాలను వెల్లడించగా ఆ విషయాలు వైరల్ అవుతున్నాయి. వర్షం మూవీ 50 డేస్ ఈవెంట్ భీమవరంలో జరగగా ఆ ఈవెంట్ కు తాను డ్యాన్స్ పర్ఫామెన్స్ ఇవ్వడానికి హాజరయ్యానని నవీన్ చంద్ర చెప్పుకొచ్చారు. ఆ ఈవెంట్ కు ఏకంగా 6 లక్షల మంది అభిమానులు వచ్చారని ఆ సమయంలో ప్రభాస్ క్రేజ్ చూసి ఆశ్చర్యపోయానని నవీన్ చంద్ర తెలిపారు.
స్టార్ హీరో ప్రభాస్ క్రేజ్ చూసి హీరో అవ్వాలనుకున్నానని నవీన్ చంద్ర వెల్లడించిన విషయాలు నెట్టింట తెగ వైరల్ అవుతున్నాయి. 20 ఏళ్ల క్రితమే ప్రభాస్ కు ఆ రేంజ్ లో క్రేజ్ ఉండగా ఇప్పుడు ఏ స్థాయిలో క్రేజ్ ఉంటుందో ప్రత్యేకంగా చెప్పాల్సిన అవసరమే లేదు. బాహుబలి (Baahubali1) , బాహుబలి2 (Baahubali2) సినిమాలు ప్రభాస్ ఇమేజ్, రేంజ్ ను పూర్తిస్థాయిలో మార్చేశాయి. ఇతర భాషల ప్రేక్షకులు సైతం ప్రభాస్ సినిమాను తొలిరోజే థియేటర్లలో చూడటానికి ఆసక్తి చూపిస్తున్నారు.
ప్రభాస్ కల్కి (Kalki 2898 AD) సినిమాకు సంబంధించిన అప్ డేట్స్ కోసం ఫ్యాన్స్ కళ్లు కాయలు కాచేలా ఎదురుచూస్తున్నారు. ఈ సినిమా చెప్పిన తేదీకే విడుద్లలవుతుందా? లేక కొత్త రిలీజ్ డేట్ ను ప్రకటిస్తారా? అనే కన్ఫ్యూజన్ ప్రభాస్ అభిమానుల్లో ఉంది. కల్కి టీమ్ రియాక్ట్ అయితే మాత్రమే ఎన్నో ప్రశ్నలకు సంబంధించి జవాబులు దొరికే అవకాశాలు అయితే ఉంటాయి. ప్రభాస్ కొత్త సినిమాలకు సంబంధించిన అప్ డేట్స్ కోసం కూడా ఫ్యాన్స్ ఆసక్తిగా ఎదురుచూస్తున్నారు.
Home