మెగా పవర్ స్టార్ రామ్ చరణ్ కు తెలుగు రాష్ట్రాల్లో ఏ స్థాయిలో క్రేజ్ ఉందో ప్రత్యేకంగా చెప్పాల్సిన అవసరం లేదు. చరణ్ రెమ్యునరేషన్ సైతం ఒకింత భారీ స్థాయిలో ఉందనే సంగతి తెలిసిందే. రామ్ చరణ్ ను అభిమానించే ఫ్యాన్స్ సంఖ్య ఊహించని రేంజ్ లో పెరుగుతుండగా బాలీవుడ్ ఇండస్ట్రీలో సైతం చరణ్ కు ఫ్యాన్ ఫాలోయింగ్ పెరుగుతోంది. ఆర్.ఆర్.ఆర్ సినిమాతో రామ్ చరణ్ బాలీవుడ్ లో సైతం కళ్లు చెదిరే స్థాయిలో కలెక్షన్లను సొంతం చేసుకున్నారు.
అయోధ్య రామ మందిరానికి చిరంజీవి, పవన్, చరణ్ హాజరైన సంగతి తెలిసిందే. అయితే అయోధ్యలో ఒక ఆసక్తికర ఘటన చోటు చేసుకుంది. చిరంజీవి, చరణ్ అనిల్ అంబానీతో ముచ్చటిస్తుండగా కెమెరామేన్ ఎక్కువ సమయం పాటు వాళ్లనే ఫోకస్ చేశారు. ఆ సమయంలో కెమెరామేన్ పక్కన ఉన్న వ్యక్తి చాలా సమయం పాటు అక్కడే కెమెరా పెట్టావు.. అక్కడ ఎవరున్నారు అని అడగగా అక్కడ రామ్ చరణ్ తండ్రి ఉన్నాడని కెమెరామేన్ బదులిచ్చారు.
ఆ కారణం వల్లే ఫ్రేమ్ లో ఉంచానని కెమెరామేన్ పేర్కొన్నారు. చిరంజీవి సైతం పలు సందర్భాల్లో చరణ్ కు తనకంటే బెస్ట్ స్క్రిప్ట్స్ దొరికాయని ఇతర భాషల్లో సైతం ఊహించని స్థాయిలో పాపులారిటీ దక్కిందని చెప్పిన సంగతి తెలిసిందే. తండ్రిని మించి కొడుకుగా చరణ్ పాపులర్ అవుతుండటం చిరంజీవికి పుత్రోత్సాహాన్ని కలిగిస్తుందని చెప్పడంలో ఏ మాత్రం సందేహం అవసరం లేదు.
చిరంజీవి, చరణ్ (Ram Charan) ఫుల్ లెంగ్త్ రోల్స్ లో మరో సినిమాలో కలిసి నటించాలని ఆ సినిమా కచ్చితంగా బ్లాక్ బస్టర్ కావాలని ఫ్యాన్స్ ఫీలవుతున్నారు. చిరు, చరణ్ లకు మైండ్ బ్లాంక్ అయ్యే రేంజ్ లో ఫ్యాన్ ఫాలోయింగ్ పెరుగుతోంది. చిరంజీవి, రామ్ చరణ్ కెరీర్ పరంగా ఆచితూచి అడుగులు వేస్తున్నారు. వైవిధ్యం ఉన్న కథలకు మాత్రమే ఈ ఇద్దరు టాలీవుడ్ స్టార్ హీరోలు ఓటు వేస్తున్నారు.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
