దేశవ్యాప్తంగా కరోనా కేసులు పెరిగిపోతుండడంతో సినిమా రిలీజ్ డేట్స్ తారుమారయ్యాయి. ‘ఆర్ఆర్ఆర్’, ‘రాధేశ్యామ్’ లాంటి సినిమాలు వాయిదా పడడంతో చిన్న సినిమాలు క్యూ కట్టాయి. సంక్రాంతి సందర్భంగా చిన్న సినిమాలు సందడి చేశాయి. ఈ వారంలో కూడా కొన్ని సినిమాలు విడుదల కాబోతున్నాయి.
వర్మ వీడు తేడా:
నట్టిక్రాంతి హీరోగా నటించిన సినిమా ‘వర్మ’. వీడు తేడా- అనేది ఉప‌శీర్షిక. ముస్కాన్, సుపూర్ణ మలాకర్ హీరోయిన్లుగా నటించారు. నట్టికుమార్ దర్శకత్వం వహించారు. క్విటీ ఎంటర్ టైన్మెంట్స్ అండ్ నట్టీస్ ఎంటర్టైన్మెంట్స్ పతాకాలపై శ్రీమతి నట్టి లక్ష్మి, శ్రీధర్ పొత్తూరి సమర్పణలో నిర్మాత నట్టి కరుణ నిర్మించారు. తెలుగుతో పాటు హిందీ, తమిళ, కన్నడ, మలయాళం వంటి ఐదు భాషలలో రూపొందించిన ఈ సినిమా జనవరి 21న భారీగా విడుదలవుతోంది.
ఉనికి:
ఆశిష్‌ గాంధీ, చిత్ర శుక్లా జంటగా రాజ్‌కుమార్‌ బాబీ దర్శకత్వంలో తెరకెక్కిన చిత్రం ‘ఉనికి’. బాబీ ఏడిద, రాజేష్‌ బొబ్బూరి నిర్మాతలు. మధ్యతరగతి కుటుంబానికి చెందిన ఓ యువతి కలెక్టర్ అయి సమాజానికి మంచి చేయాలనుకుంటుంది. ఈ క్రమంలో ఆమె ఎలాంటి పరిస్థితులు ఎదుర్కొందనేదే సినిమా. ఈ సినిమాను ఈ నెల 21న విడుదల చేయనున్నారు.
వధుకట్నం:
హర్ష, ప్రియా శ్రీనివాస్‌, అనన్యా పాణిగ్రహి, జాన్‌ కుషాల్‌ ప్రధాన పాత్రల్లో నటించిన చిత్రం ‘వధుకట్నం’. భార్గవ గొట్టిముక్కల దర్శకుడు. షేక్‌బాబు సాహేబ్‌ నిర్మించారు. అన్ని కార్యక్రమాలు పూర్తి చేసుకున్న ఈ సినిమా జనవరి 21న ప్రేక్షకుల ముందుకు రానుంది. సమాజంలో మహిళలపై కొనసాగుతున్న వివక్ష ఆధారంగా ఈ సినిమాను తెరకెక్కించారు.
ఓటీటీ రిలీజ్ లు..
అఖండ:
నందమూరి బాలకృష్ణ, బోయపాటి కాంబినేషన్ లో తెరకెక్కిన ఈ సినిమా ఎంత పెద్ద సక్సెస్ అయిందో తెలిసిందే. థియేటర్లలో ప్రభంజనం సృష్టించిన ఈ సినిమా ఇప్పుడు ఓటీటీలో రిలీజ్ కానుంది. జనవరి 21న డిస్నీ+హాట్‌ స్టార్‌ వేదికగా ‘అఖండ’ స్ట్రీమింగ్ కానుంది.
శ్యామ్ సింగరాయ్:
నాని హీరోగా రాహుల్ సాంకృత్యన్‌ దర్శకత్వంలో వచ్చిన ఈ సినిమా మంచి టాక్‌ తెచ్చుకుంది. ఇందులో సాయి పల్లవి పెర్ఫార్మన్స్ మరో హైలైట్ గా నిలిచింది. డిసెంబరు 21న నెట్‌ఫ్లిక్‌ వేదికగా ఈ చిత్రం స్ట్రీమింగ్ కానుంది.
లూజర్ 2:
ప్రియదర్శి, ధన్యా బాలకృష్ణన్, కల్పికా గణేష్ ప్రధాన పాత్రల్లో నటించిన జీ 5 ఒరిజినల్ సిరీస్ ‘లూజర్ 2’. గతంలో వచ్చిన ‘లూజర్’ సిరీస్ కు సీక్వెల్‌గా దీన్ని రూపొందించారు. తొలి సీజన్ ను అభిలాష్ రెడ్డి డైరెక్ట్ చేయగా.. ‘లూజర్ 2’కు అభిలాష్ రెడ్డి, శ్రవణ్ మాదాల దర్శకత్వం వహించారు. ఈ నెల 21న ‘జీ 5’లో ఈ సిరీస్ స్ట్రీమింగ్ కానుంది.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
