ఈ ఏడాదికి ప్రభాస్ నుండి ఇదే చివరి అప్డేట్..?

రెండేళ్లుగా షూటింగ్ జరుపుకుంటున్న ప్రభాస్ 20మూవీ నుండి అప్డేట్ వచ్చింది. ప్రభాస్ 20 టైటిల్ మరియు ఫస్ట్ లుక్ విడుదల చేశారు. అందరూ అనుకున్నట్లే ఈ చిత్రానికి రాధే శ్యామ్ అనే క్లాస్సి టైటిల్ నిర్ణయించారు. యూరఫ్ నేపథ్యంలో తెరకెక్కనున్న పీరియాడిక్ లవ్ డ్రామా అని ప్రభాస్ ముందుగానే ఈ చిత్రం గురించి చెప్పారు. రాధే శ్యామ్ మూవీ పోస్టర్ బ్యాక్ గ్రౌండ్ లో ఇటలీ దేశంలోని రోమ్ నగరానికి సంబంధించిన పురాతన కట్టడాలు కనిపిస్తున్నాయి. ఈ కధా నేపథ్యం ఆ ప్రాంతంలో నేడిచే అవకాశం ఉంది.

ప్రభాస్ మరియు పూజ హెగ్డే రిచ్ గెటప్స్ కనిపిస్తున్న నేపథ్యంలో 1960ల కాలం నాటి హై క్లాస్ సొసైటీకి చెందిన ప్రేమ జంట కథ అయ్యే అవకాశాలు ఎక్కవగా కనిపిస్తున్నాయి. పోస్టర్ లో సునామి జాడలు కనిపిస్తుండగా, టైటానిక్ తరహా విషాద ప్రేమ కథ కూడా అయ్యే అవకాశం కలదు. కాగా ఈ మూవీ విడుదల 2021లో ఉంటుందని పోస్టర్ ద్వారా స్పష్టత ఇచ్చారు. దీనితో మళ్ళీ ప్రభాస్ ని రెండేళ్ల సెంటిమెంట్ వదల్లేదని అర్థం అయ్యింది.

2013లో వచ్చిన మిర్చి మూవీ తరువాత రెండేళ్లకు ఒక సినిమా చేస్తున్నాడు ప్రభాస్. 2015లో బాహుబలి విడుదల చేసిన ప్రభాస్ రెండేళ్లకు 2017లో బాహుబలి 2 విడుదల చేశాడు. మరో రెండేళ్లకు 2019లో సాహో విడుదల చేయడం జరిగింది. ఈసారైనా 2020లో ప్రభాస్ వస్తాడు అనుకుంటే లాక్ డౌన్ కారణంగా ఆయన వెనక్కి వెళ్లాల్సివచ్చింది. రాధే శ్యామ్ సైతం రెండేళ్ల గ్యాప్ తరువాత 2021లో విడుదల కానుంది. ఈ నేపథ్యంలో 2021 వరకు ఫస్ట్ లుక్ అప్డేట్ తోనే ఫ్యాన్స్ సరిపెట్టుకోవాలి. టీజర్స్ ట్రైలర్స్ అన్నీ…2021లోనే అని సమాచారం.

Most Recommended Video

ఈ అద్దాల మేడల్లాంటి ఇల్లులు.. మన టాలీవుడ్ హీరోల సొంతం..!
సినిమా హీరోయిన్లకు ఏమాత్రం తీసిపోరు ఈ సీరియల్ హీరోయిన్స్ ..!
టాలీవుడ్ హీరోల భార్యలు.. మెట్టినింటికి తెచ్చిన కట్నాలు ఎంతెంతంటే..!