ఒకప్పుడు నేచురల్ స్టార్ నాని సినిమాల్లో సోలో హీరోయినే ఉండేది కానీ ఈ మధ్య కాలంలో ఇద్దరు హీరోయిన్ల కథలను ఎన్నుకుంటున్నాడు. ఇప్పుడు ఏకంగా తన సినిమాలో ముగ్గురు హీరోయిన్లు ఉండబోతున్నారని సమాచారం. రాహుల్ సంకృత్య‌న్ దర్శకత్వంలో నాని హీరోగా ‘శ్యామ్ సింగరాయ్’ సినిమాను తెరకెక్కిస్తోన్న సంగతి తెలిసిందే. నిజానికి ఈ సినిమాకి నిర్మాతగా నాగవంశీ వ్యవహరించాలి. కానీ ఆయన తప్పుకోవడంతో మరో నిర్మాత వెంకట్ బోయినపల్లి ఈ సినిమాకి నిర్మాతగా వ్యవహరిస్తున్నారు.
అయితే ఈ సినిమాలో ఇప్పటికే సాయి పల్లవి, కృతి శెట్టిలను హీరోయిన్లుగా ఎన్నుకున్నారు. ఇప్పుడు మూడో హీరోయిన్ కూడా ఉంటుందని సమాచారం. ఈ పాత్రని సీక్రెట్ గా ఉంచాలని టీమ్ భావిస్తోంది. అందుకే ఇప్పటివరకు రివీల్ చేయలేదు. ఈ పాత్ర కోసం నివేదా థామస్, అతిథిరావు హైదరీ, నివేదా పేతురాజ్ లలో ఎవరో ఒకరిని తీసుకోవాలని భావిస్తున్నారు. మూడో హీరోయిన్ పాత్ర దాదాపు గెస్ట్ రోల్ మాదిరిగానే ఉంటుందట. రెండు, మూడు సీన్లకే పరితమైనప్పటికీ కథలోని మలుపుకి ఈ పాత్ర కీలకమని తెలుస్తోంది.
అందుకే కాస్త క్రేజ్ ఉన్న హీరోయిన్ నే తీసుకోవాలని భావిస్తున్నారు. ప్రస్తుతం నాని ‘టక్ జగదీశ్’ సినిమాను పూర్తి చేసే పనిలో ఉన్నాడు. ఈ సినిమా షూటింగ్ లో ముఖ్య టెక్నీషియన్ కి కరోనా సోకడంతో కొన్ని రోజులు షూటింగ్ ఆపేసి మళ్లీ అన్ని జాగ్రత్తలు తీసుకొని షూటింగ్ మొదలుపెట్టారు. ఇది పూర్తయిన వెంటనే.. డిసెంబర్ నాటికి ‘శ్యామ్ సింగరాయ్’ ని సెట్స్ పైకి తీసుకెళ్లనున్నారు.
Most Recommended Video
కలర్ ఫోటో సినిమా రివ్యూ & రేటింగ్!
24 గంటల్లో అత్యధిక లైక్స్ ను సాధించిన టాప్ 20 టీజర్లు ఇవే..!
టాలీవుడ్ లో తెరకెక్కిన హాలీవుడ్ చిత్రాలు!
