పవర్ స్టార్ పవన్ కళ్యాణ్, హరీష్ శంకర్ కాంబినేషన్ లో ఓ సినిమాను రూపొందించనున్నారు. దీనికి ‘భవదీయుడు భగత్ సింగ్’ అనే టైటిల్ ను ఫిక్స్ చేశారు. ఈ సినిమాకి సంబంధించిన స్క్రిప్ట్ ను ఇప్పటికే లాక్ చేశారు దర్శకుడు హరీష్ శంకర్. సెట్స్ పైకి వెళ్లడం ఒక్కటే బాకీ. ఈలోగా నటీనటులు, ఇతర సాంకేతిక నిపుణులను ఎన్నుకునే పనిలో పడ్డారు. టైటిల్ ను చూసి ఇదొక సీరియస్ ఫిల్మ్ అని జనాలు ఫిక్స్ అయిపోయారు.
అయితే ఇందులో గ్లామర్ కి ఏమాత్రం కొదవ లేకుండా దర్శకుడు జాగ్రత్త పడుతున్నాడట. ఇందులో ముగ్గురు హీరోయిన్లు ఉంటారని సమాచారం. ఒక హీరోయిన్ గా పూజాహెగ్డేను దాదాపు ఫైనల్ చేసినట్లే. మరో ఇద్దరు హీరోయిన్లు కావాలి. వాళ్ల కోసం ఇప్పుడు అన్వేషణ జరుగుతోంది. ఓ హీరోయిన్ రోల్ చాలా గ్లామరస్ గా ఉంటుందట. ఆ హీరోయిన్ తో ఐటెం సాంగ్ కూడా చేయిస్తారని సమాచారం. పవన్ కళ్యాణ్-హరీష్ శంకర్ కాంబినేషన్ లో వచ్చిన ‘గబ్బర్ సింగ్’ ఎంత పెద్ద హిట్ అయిందో తెలిసిందే.
ఈ సినిమాలో ‘కెవ్వు కేక’ సినిమా సూపర్ హిట్ అయింది. ఇప్పుడు దానికి మించే ఉండేలా ఐటెం సాంగ్ ను చిత్రీకరించనున్నారు హరీష్ శంకర్. ఇప్పటికే దేవిశ్రీప్రసాద్ హాట్ ట్యూన్ ను కూడా రెడీ చేసినట్లు సమాచారం. ఆ పాత్రలో హీరోయిన్ కనిపించాల్సిందే. ఇదిలా ఉండగా.. ఈ సినిమాలో పవన్ కళ్యాణ్ లెక్చరర్ గా కనిపిస్తారట. కాలేజీ బ్యాక్ డ్రాప్ లో సాగే సన్నివేశాలు చాలా ఫ్రెష్ గా ఉంటాయట. హరీష్ శంకర్ తన సినిమాల్లో డైలాగ్స్, కామెడీ ఎపిసోడ్స్ బాగా రాసుకుంటారు.
ఇక కాలేజ్ నేపథ్యం అంటే ఆయన మరింత ఎఫెక్టివ్ గా సీన్స్ రాసుకునే ఛాన్స్ ఉంది. మైత్రి మూవీ మేకర్స్ బ్యానర్ పై ఈ సినిమాను నిర్మిస్తున్నారు. ఇందులో విలన్ రోల్ లో ఓ స్టార్ హీరో కనిపిస్తారని టాక్.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
