ముగ్గురు హీరోలు పక్కన పెట్టిన స్టోరీని ఇష్టపడ్డ అల్లు అర్జున్!

ఒక హీరో వద్దన్న కథను మరో హీరో చేయడం సినీ పరిశ్రమల్లో సహజం. అటువంటి కథలు సూపర్ హిట్ అయిన సందర్భాలు తెలుగు చిత్రపరిశ్రమలో అనేకం ఉన్నాయి. అయితే ఒకరిద్దరు నో చెబితే.. ఆ స్టోరీని వినడానికి కూడా చాలామంది ఒప్పుకోరు. అటువంటిది ఒకరు కాదు ఇద్దరు కాదు ఏకంగా ముగ్గురు నో చెప్పిన కథకు ఒకే చెప్పారు అల్లు అర్జున్. ఇది ఇప్పటి మాట కాదు. గంగోత్రి సినిమా తర్వాత ఏ సినిమా చేయాలనీ ఆలోచిస్తుండగా సుకుమార్ చెప్పిన లవ్ స్టోరీ ఆర్య కి ఒకే చెప్పారు.

ఈ కథను సుకుమార్ మొదట రవితేజ కు చెప్పారు. “కథ బాగుంది, కానీ నాకు కరెక్ట్ కాదు” అని ఆ కథను సున్నితంగా తిరస్కరించారు. తర్వాత ఈ కథ నితిన్ దగ్గరకు వెళ్ళింది. నితిన్ కూడా నో చెప్పడంతో ప్రభాస్  దగ్గరకు వెళ్ళింది. ప్రభాస్ కూడా ఆర్య తనకి సూట్ కాదని చెప్పేసాడంట. చివరగా అల్లు అర్జున్ ఒకే చెప్పారు. బ్లాక్ బస్టర్ హిట్ అందుకున్నారు. దిల్ రాజు నిర్మించిన ఈ సినిమాతో బన్నీ హీరోగా నిలదొక్కుకున్నారు.