Sankranthiki Vasthunam: వెంకీ సినిమాకు కూడా రేట్లు పెంచేశారుగా..!

సంక్రాంతి పండగకు టాలీవుడ్ నుంచి మూడు భారీ సినిమాలు విడుదలకు సిద్ధమవుతున్నాయి. ముందుగా రామ్ చరణ్ ‘గేమ్ ఛేంజర్,’ ఆ తరువాత బాలకృష్ణ ‘డాకు మహారాజ్,’ చివరగా విక్టరీ వెంకటేష్ నటించిన ‘సంక్రాంతికి వస్తున్నాం’ చిత్రాలు గ్రాండ్ గా విడుదల కాబోతున్నాయి. అన్ని సినిమాలు భారీ అంచనాలతో విడుదలవుతున్నాయి. తెలంగాణలో ‘గేమ్ ఛేంజర్’ చిత్రానికి మాత్రమే ప్రత్యేకంగా టికెట్ రేట్ల పెంపును అనుమతించినట్లు తెలుస్తోంది.

Sankranthiki Vasthunam

ఇక ఈ సినిమాకు మొదటి రోజు 6 షోల ప్రదర్శనకు కూడా ప్రత్యేక అనుమతి ఇచ్చారు. కానీ అదే సమయంలో వెంకటేష్, బాలకృష్ణ సినిమాలకు టికెట్ రేట్లు పెంచకపోవడం గమనార్హం. అయితే, ఆంధ్రప్రదేశ్‌లో పరిస్థితి భిన్నంగా ఉంది. సంక్రాంతికి విడుదలవుతున్న మూడు చిత్రాలకూ టికెట్ రేట్లను పెంచారు. ‘సంక్రాంతికి వస్తున్నాం’ చిత్రానికి సింగిల్ స్క్రీన్ టికెట్ ధర రూ.245, మల్టీప్లెక్స్ టికెట్ ధర రూ.300కి చేరింది.

ఈ పెంపు పది రోజుల పాటు అమలులో ఉంటుందని సమాచారం. అదనంగా, ఐదు షోలు ప్రదర్శించేందుకు కూడా అనుమతి ఇచ్చారు. సంక్రాంతి పండగ సందర్భంగా థియేటర్లలో సందడి ఎక్కువగా ఉంటుంది. పెరిగిన టికెట్ ధరలతో పాటు ఎక్కువ షోల అనుమతి కూడా ఈ సినిమాలకు మంచి లాభాలను తెచ్చిపెట్టే అవకాశం ఉంది. ఆంధ్రప్రదేశ్ ప్రభుత్వం తీసుకున్న ఈ నిర్ణయంపై థియేటర్ యాజమాన్యాలు సంతోషం వ్యక్తం చేస్తున్నాయి.

మూడు చిత్రాలు వేర్వేరు జోనర్లలో రావడం ప్రేక్షకుల్లో ఆసక్తిని పెంచే అంశంగా మారింది. ‘గేమ్ ఛేంజర్’ క్లాస్ అంశాలను, ‘డాకు మహారాజ్’ మాస్ ఎలిమెంట్స్‌ను, ‘సంక్రాంతికి వస్తున్నాం’ ఫ్యామిలీ ఎంటర్టైనర్‌ను ప్రాధాన్యంగా ఉంచినట్లు ట్రైలర్ చూపించింది. అయితే సంక్రాంతి బరిలో ఏ చిత్రం ముందంజ వేస్తుందో చూడాలి. పండగ సందర్భంగా ముందుగా హిట్ టాక్ అందుకున్న సినిమా ప్రేక్షకుల హిట్ లిస్టులో నిలుస్తుందని ట్రేడ్ వర్గాలు భావిస్తున్నాయి.

Game Changer Twitter Review: అప్పన్న, రామ్ నందన్.. ఇద్దరిలో ఎవరు మెప్పించారు?