శర్వానంద్ కొత్త సినిమా ఒకటి షూటింగ్ శరవేగంగా జరుపుకుంటోందని మీకు తెలుసు కదా? ఇంకా అనౌన్స్‌ చేయలేదు కానీ.. సినిమా దాదాపు చివరి దశకు వచ్చిందని సమాచారం. త్వరలో సినిమా ముచ్చట్లు చెప్పి సినిమా స్టార్ట్ అయ్యిందని టీమ్‌ ప్రకటిస్తుందట. అయితే తాజాగా వచ్చిన వార్తల ప్రకారం సినిమా పేరు మారుతోందని అంటున్నారు. అన్నీ అనుకున్నట్లుగా జరిగితే… సినిమా పేరుతో ‘బేబీ’ మాయం అవుతుంది అని చెబుతున్నారు. ఇక అసలు విషయానికొస్తే… శర్వానంద్ హీరోగా పీపుల్ మీడియా ఫ్యాక్టరీ ఓ సినిమాను నిర్మిస్తోంది.
కృతి శెట్టి హీరోయిన్‌గా నటిస్తున్న ఈసినిమాకు శ్రీరామ్‌ ఆదిత్య దర్శకుడు. పీపుల్ మీడియా ఫ్యాక్టరీ అనధికారిక సంప్రదాయాలకు అనుగుణంగా సినిమాను ఇంకా ప్రకటించలేదు కానీ షూటింగ్ పూర్తి చేసేస్తున్నారు. సరైన విజయాలు లేకపోయినా అభిరుచి ఉన్న దర్శకుడిగా శ్రీరామ్‌ ఆదిత్యకు పేరుంది. ఇప్పుడు ఈ సినిమా కూడా అలానే ఉంటుంది అంటున్నారు. ‘భలే మంచి రోజు’, ‘శమంతక మణి’, ‘దేవదాస్’ అంటూ అచ్చ తెలుగు పేర్లతో సినిమాలు తీసిన శ్రీరామ్‌ ఆదిత్య గత చిత్రానికి ‘హీరో’ అనే ఇంగ్లిష్‌పేరు పెట్టారు.
ఇప్పుడు శర్వానంద్ (Sharwanand) సినిమాకు కూడా ‘బేబీ ఆన్‌ ది బోర్డ్‌’ అనే పేరు పెట్టాలని అనుకున్నారు. ఈ మేరకు ఈ పేరు చాలా రోజులుగా ఇండస్ట్రీ వర్గాల్లో వినిపిస్తోంది కూడా. కానీ ఇప్పుడు మళ్లీ తిరిగి తన పాత రూట్‌లోకి అంటే అచ్చ తెలుగు పేరులోకి వెళ్లిపోతున్నారట. ఈ మేరకు కొత్త పేరు బయటకు వచ్చింది. టైటిల్‌తో ఎక్కువ మంది ప్రేక్షకులకు చేరువ అయ్యేందుకు ‘మనమే’ అనే సాఫ్ట్‌ తెలుగు టైటిల్‌ను అనుకుంటున్నారట.
లండన్‌ నేపథ్యంలో సాగే ఈ సినిమా మీద శర్వానంద్ భారీ ఆశలే పెట్టుకున్నాడు. తన పెళ్లి తర్వాత విడుదలవుతున్న తొలి సినిమా ఇది. అలాగే తనకు గతంలో బాగా కలిసొచ్చిన ఫ్యామిలీ జోనర్‌లో ఈ సినిమా చేశాడు. దీంతో ఈ సినిమాతో హిట్ కొట్టి తిరిగి ట్రాక్‌ ఎక్కాలనేది అతని ఆలోచన అని అంటున్నారు.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
