Salman Khan: సల్మాన్‌ హిట్‌ సీక్వెల్‌ కథ సిద్ధం చేసేశారట!

March 25, 2022 / 04:46 PM ISTByFilmy Focus

Join Us

Salman Khan: సల్మాన్‌ హిట్‌ సీక్వెల్‌ కథ సిద్ధం చేసేశారట!

సల్మాన్‌ ఖాన్‌ కెరీర్‌లో వసూళ్ల పరంగా, ఎమోషన్‌ పరంగా బలమైన విజయం సాధించిన చిత్రం ‘బజరంగీ భాయిజాన్‌’. ఏడేళ్ల క్రితం వచ్చిన ఈ సినిమా టీవీలో వస్తే ఇప్పటికీ అభిమానులు, ప్రేక్షకులు చూసి, కనెక్ట్‌ అయిపోతారు. అంతలా అలరించిన సినిమా ఇది. దీనికి సీక్వెల్‌ వస్తుందని ఇటీవల సల్మాన్‌ ఖాన్‌ ప్రకటించిన విషయం తెలిసిందే. దీనికి సంబంధించి ఓ అప్‌డేట్‌ వచ్చింది. ‘బజరంగీ భాయిజన్‌’ సినిమా పార్ట్‌ 2 కథ రెడీ అయిపోయిందని, టైటిల్‌ కూడా ఫిక్స్‌ అయిపోయారని చెబుతున్నారు.

Click Here To Watch NOW

‘ఆర్‌ఆర్‌ఆర్‌’ సంక్రాంతి విడత ప్రచారంలో భాగంగా సల్మాన్‌ ఖాన్‌ ఓ ఈవెంట్‌కి వచ్చాడు. ఆ సందర్భంలోనే ‘బజరంగీ భాయిజన్‌’ సీక్వెల్‌ గురించి చెప్పాడు. విజయేంద్ర ప్రసాద్‌తో త్వరలో మళ్లీ పని చేస్తున్నానని, ‘బజరంగీ..’ పార్ట్‌ 2 వస్తుందని చెప్పాడు. ఇప్పుడు ఆ సినిమాకు సంబంధించి స్క్రిప్ట్‌ పనులు తుది దశకు వచ్చాయంటున్నారు. ఈ సినిమాకు ‘పవనపుత్ర భాయిజాన్‌’ అనే పేరు అయితే బాగుంటుందని అనుకుంటున్నారట. అయితే మరి దర్శకుడు, సల్మాన్‌ ఏమనుకుంటారనేది తెలియాల్సి ఉంది.

‘బజరంగీ భాయిజాన్‌’ ఫస్ట్‌ పార్ట్‌ను కబీర్‌ ఖాన్‌ తెరకెక్కించారు. ఇప్పుడు రెండో పార్టును ఎవరు తీస్తారు అనేది తెలియడం లేదు. ఆయనే చేస్తారా? లేక వేరే దర్శకుడి చేతిలో పెడతారా అనేది తెలియాల్సి ఉంది. మామూలుగా అయితే కబీర్‌ ఖాన్‌కి, సల్మాన్‌కి మంచి అనుబంధమే ఉంది. కాబట్టి ఆయనే కొనసాగొచ్చు. ‘పసివాడి ప్రాణం’ సినిమా స్ఫూర్తితో ‘బజరంగా భాయిజాన్‌’ రాసుకున్నానని ఆ మధ్య విజయేంద్ర ప్రసాద్‌ చెప్పారు. మరిప్పుడు రెండో పార్టుకి ఏదైనా సినిమా స్ఫూర్తి ఉందా? లేక పూర్తి సొంత ఆలోచనా అనేది చూడాలి.

ఇక సల్మాన్‌ సంగతి చూస్తే… ప్రస్తుతం ‘పఠాన్‌’, ‘టైగర్‌ 3’ సినిమాల్లో నటిస్తున్నాడు. చిరంజీవి ‘గాడ్ ఫాదర్‌’లో కీలక పాత్రలో మెరవబోతున్నాడు. ఈ సినిమాల తర్వాతే ‘పవనపుత్ర భాయిజాన్‌’ సినిమా ఉండొచ్చు అంటున్నారు. ఇక విజయేంద్ర ప్రసాద్‌ సంగతి చూస్తే ఆయన మహేష్‌బాబు – రాజమౌళి సినిమా కోసం కథ రాస్తున్నారు. త్వరలోనే ఈ సినిమా విషయంలో ఫుల్‌ క్లారిటీ వచ్చే అవకాశం ఉంది.