అనుష్క ఇప్పుడు సెలక్టివ్ గా సినిమాలు చేస్తుంది. 2020 లో వచ్చిన ‘నిశ్శబ్దం’ తర్వాత.. చాలా గ్యాప్ తీసుకుని ‘మిస్ శెట్టి మిస్టర్ పోలిశెట్టి’ సినిమా చేసింది. గతేడాది అంటే 2023 లో రిలీజ్ అయిన ఈ సినిమా బ్లాక్ బస్టర్ గా నిలిచింది. ఆ సినిమా తర్వాత అనుష్క మళ్ళీ వెంటనే సినిమాలు చేయడానికి అంగీకరించింది లేదు. ఇటీవల క్రిష్ దర్శకత్వంలో ఓ సినిమా చేయడానికి సైన్ చేసింది. ఇంకా అధికారిక ప్రకటన అయితే రాలేదు.
కానీ క్రిష్- అనుష్క..లు బెస్ట్ ఫ్రెండ్స్ కాబట్టి.. ఈ ప్రాజెక్టు ఫిక్స్ అయ్యే అవకాశాలు ఎక్కువగానే ఉన్నాయి అని చెప్పాలి. ఇది అనుష్క కెరీర్లో 50 వ సినిమా. తాజా సమాచారం ప్రకారం.. ఈ ప్రాజెక్టుకు సంబంధించి హైదరాబాద్ పరిసర ప్రాంతాల్లో కొన్ని సెట్స్ వేసినట్టు వినికిడి. అలాగే ఈ చిత్రానికి ‘శీలావతి’ అనే టైటిల్ ను ఫిక్స్ చేసినట్టు టాక్ వినిపిస్తుంది. ప్రస్తుతం ఈ టైటిల్ కూడా చర్చనీయాంశం అయ్యింది. అనుష్క (Anushka) వంటి స్టార్ హీరోయిన్ సినిమాకి ఇలాంటి టైటిల్ ఏంటి అనే కామెంట్లు వినిపిస్తున్నాయి.
ఈ టైటిల్ వద్దు అని కూడా అనుష్క అభిమానులు కోరుతున్నారు. అయితే ఈ టైటిల్ ను చిత్ర బృందం అనుకున్న మాట నిజమే..! ముందుగా వర్కింగ్ టైటిల్ గా అనుకుంటున్నారు. పాన్ ఇండియా లెవెల్లో ఈ సినిమాను విడుదల చేయాలనుకుంటున్నారు కాబట్టి.. ఈ టైటిల్ మార్చే అవకాశాలు ఉన్నాయట. ఇక ఈ ప్రాజెక్టుని ‘ఫస్ట్ ఫ్రేమ్ ఎంటర్టైన్మెంట్’ బ్యానర్ వారితో కలిసి ‘యూవీ క్రియేషన్స్’ బ్యానర్ వారు నిర్మించనున్నారు.
ఊరిపేరు భైరవ కోన సినిమా రివ్యూ & రేటింగ్!
‘దయా గాడి దండయాత్ర’ కి 9 ఏళ్ళు!
ఈ వీకెండ్ కి ఓటీటీలో సందడి చేయబోతున్న సినిమాలు/సిరీస్..ల లిస్ట్..!
