ఆ టైటిల్ ను ఫిక్స్ చేసిన ప్రభాస్ టీం…?

‘సాహో’ తర్వాత యంగ్ రెబల్ స్టార్ ప్రభాస్.. ‘జిల్’ ఫేమ్ రాధా కృష్ణకుమార్ డైరెక్షన్లో ఓ చిత్రం చేస్తున్న సంగతి తెలిసిందే. పూజా హెగ్డే హీరోయిన్ గా నటిస్తున్న ఈ చిత్రం టైటిల్ ఏంటి అన్నది ఇప్పటి వరకూ తెలీదు.ఫస్ట్ లుక్ విషయంలో నిర్మాతలైన యూవీ క్రియేషన్స్ వారు ఎటువంటి అప్డేట్ ఇవ్వడం లేదు. ఈ విషయంలో ప్రభాస్ ఫ్యాన్స్ ఓ రేంజ్ లో ఫైర్ అయినా… #banUVCreations అంటూ పెద్ద ఎత్తున ట్రెండ్ చేసి నిరసన చేసినా వారు దిగి రాలేదు.

గతంలో ఈ చిత్రం టైటిల్ ‘ఓ డియర్’ లేదా ‘రాధేశ్యామ్’ అని రిజిస్టర్ చేసినట్టు వార్తలు వచ్చాయి. అయితే ఇప్పుడు అసలు టైటిల్ ఏంటి అన్న విషయంలో ఓ క్లారిటీ వచ్చింది. ఈ చిత్రం టైటిల్ ‘రాధే శ్యామ్’ అని ఫిక్స్ చేసినట్టు తెలుస్తోంది. ఇది ప్రభాస్ కు 20వ చిత్రం అన్న సంగతి తెలిసిందే.ప్రముఖ ట్రేడ్ అనలిస్ట్ శివ సత్యం, తన ట్విట్టర్ ఖాతాలో ఈ విషయాన్ని చెప్పుకొచ్చాడు. అయితే ప్రభాస్ అభిమానులు ఈ టైటిల్ పట్ల అంత సంతృప్తి గా లేరని తెలుస్తుంది.

కేవలం బాలీవుడ్ ప్రేక్షకులను దృష్టిలో పెట్టుకునే ఈ టైటిల్ పెట్టినట్టు వారు భావిస్తున్నారు.’రాధే శ్యామ్’ టైటిల్ లో మన తెలుగు నేటివిటీ కనీసం కనపడటం లేదు అని వారు భావిస్తున్నారు.’ఓ డియర్’ అనే టైటిలే బాగుందని వారు భావిస్తున్నారు. ఇక ఈ చిత్రానికి సంగీత దర్శకుడు ఎవరు అన్న విషయం పై ఇంకా క్లారిటీ రాలేదు.’సాహో’ విషయంలో కూడా సంగీత దర్శకుడు ఎవరు అన్న విషయాన్ని నిర్మాతలు చివరి వరకూ చెప్పలేదు. ఇప్పుడు ఈ సినిమా విషయంలో కూడా అలాగే చేస్తున్నారు.

Most Recommended Video

పెంగ్విన్ సినిమా రివ్యూ & రేటింగ్
మీ అభిమాన తారల, అరుదైన పెళ్లి పత్రికలు
ఐశ్వర్యవంతులను పెళ్లి చేసుకున్న అందమైన హీరోయిన్స్!