కెరీర్‌లో 75వ సినిమా అంటే ఏ హీరోకైనా స్పెషలే. వాళ్లు అభిమానులకైతే ఇంకా స్పెషల్‌. అందులోనూ ఎలాంటి సపోర్టు లేకుండా సినిమాల్లోకి వచ్చి 75 సినిమాలు చేయడం అంటే చిన్న విషయం కాదు. అలాంటి ఫీలింగ్‌ తాను అనుభవిస్తూ.. అభిమానులకు పంచబోతున్న హీరో రవితేజ (Ravi Teja) , . ఆయన నుండి ఇప్పుడు వస్తున్న ‘మిస్టర్ బచ్చన్’ (Mr. Bachchan) సినిమా 74వది. ఆయన తన 75వ సినిమాను కూడా అనౌన్స్‌ చేశారు. ఆ సినిమా గురించే ఈ న్యూస్‌.
సినిమాల విషయంలో ఎప్పటిలానే రవితేజ జోరు మీదే ఉన్నాడు. 74వ సినిమా ఇలా వస్తోందో లేదో.. 75వ సినిమా పనులు స్పీడప్‌ చేశాడు. భాను భోగవరపు దర్శకత్వంలో సితార ఎంటర్‌టైన్‌మెంట్, ఫార్చ్యూన్‌ ఫోర్‌ సినిమాస్‌ బ్యానర్ల మీద ఓ సినిమా ఓకే చేశాడు. శ్రీలీల (Sreeleela) కథానాయికగా నటిస్తున్న ఈ సినిమా షూటింగ్‌ మొదలైంది కూడా. దీని టైటిల్‌ ఇదే అంటూ ఓ పేరు సోషల్‌ మీడియాలో చక్కర్లు కొడుతోంది.
అన్నీ అనుకున్నట్లుగా జరిగితే సినిమాకు ‘కోహినూర్‌’ అనే టైటిల్‌ పెడతారు అని సమాచారం. తెలంగాణ నేపథ్యంలో సాగే కథతో ఈ సినిమా రూపొందుతోందనే విషయం తెలిసిందే. ఈ సినిమాలో రవితేజ లక్ష్మణ్‌ భేరి అనే పాత్రలో కనిపించబోతున్నాడు. పూర్తిస్థాయి మాస్, కమర్షియల్‌ పాత్రగా ఈ లక్ష్మణ్‌ భేరి ఉండబోతోందట. వచ్చే ఏడాది సంక్రాంతికి సినిమా రిలీజ్ చేస్తామని ఇప్పటికే చెప్పేశారు.
అయితే, సంక్రాంతికి ఇప్పటికే చాలా సినిమాలు విడుదలకు రెడీగా ఉన్నాయి. ఈ నేపథ్యంలో ఏవి రిలీజ్ అవుతాయి, ఏవి వాయిదా పడతాయి అనేది కూడా ఆసక్తికరంగా మారింది. ఈ ఏడాది ‘ఈగల్‌’తో (Eagle) సంక్రాంతికి వస్తాం అని చెప్పిన రవితేజ.. చివరి క్షణంలో డేట్‌ మార్చుకున్నారు. ఆ సినిమా ఫలితం కూడా తేడా కొట్టేసింది. ఈసారి అలా కాకుండా ‘కోహినూర్‌’ సినిమా పక్కాగా రెడీ చేసి సంక్రాంతికి రిలీజ్ చేయాలని అనుకుంటున్నారట. అన్నట్లు మాస్ మహారాజ రవితేజ.. కాస్త కోహినూర్‌ రవితేజ అయితే ఎలా ఉంటుంది చెప్పండి.
Home