‘హంట్’ టైటిల్ మాది.. ఎంత దర్జాగా దొబ్బేసారో : యువ హీరో

సుధీర్ బాబు హీరోగా భవ్య క్రియేషన్స్ బ్యానర్ పై వి. ఆనంద ప్రసాద్ నిర్మాణంలో ‘హంట్’ అనే చిత్రం రూపొందుతున్న సంగతి తెలిసిందే. ఈ చిత్రానికి మహేష్‌ దర్శకత్వం వహిస్తున్నాడు. శ్రీకాంత్, ‘ప్రేమిస్తే’ ఫేమ్ భరత్ వంటి వారు ఈ చిత్రంలో కీలక పాత్రలు పోషిస్తున్నారు. థ్రిల్లర్ మూవీగా ‘హంట్’ రూపొందినట్లు మేకర్స్ తెలియజేశారు. ఇదిలా ఉండగా.. ‘హంట్’ అనే టైటిల్ మాదే అంటూ మరో చిన్న సినిమా యూనిట్ మీడియా ముందుకు వచ్చింది. ‘శ్రీ క్రియేషన్స్’ పతాకం పై నిక్షిత్ హీరోగా, దర్శకుడిగా… నర్సింగ్ రావు నిర్మాతగా ‘హంట్’ పేరుతోనే మరో సినిమా రూపొందుతుంది.

తాజాగా మోషన్ టీజర్ ను కూడా విడుదల చేశారు. అయితే ‘హంట్’ పేరుతో సుధీర్ బాబు చిత్రం విడుదల కాబోతుంది కదా అనే ప్రశ్న ఎదురవ్వగా అందుకు చిత్ర బృందం ఆందోళన వ్యక్తం చేస్తూ మండిపడ్డారు. “మేము ‘హంట్’ చిత్రం మోషన్ టీజర్ ను విడుదల చేశాం.ప్రస్తుతం షూటింగ్ జరుగుతుంది.’హంట్’ అనే టైటిల్ ను మేము 6 నెలల క్రితమే ఫిలిం ఛాంబర్ లో రిజిస్టర్ చేయించాము. అయితే ఇప్పుడు ఇదే టైటిల్ తో ‘భవ్య క్రియేషన్స్’ వాళ్ళు సుధీర్ బాబుతో ఓ సినిమా విడుదల చేయబోతున్నారు. ప్రమోషన్ కూడా స్టార్ట్ చేసేశారు. కానీ మా ‘శ్రీ క్రియేషన్స్’ బ్యానర్ పైనే ఫిలిం చాంబర్లో ఈ టైటిల్ ను రిజిస్టర్చే యించుకున్నాం.

ఆల్రెడీ మేము రిజిస్టర్ చేయించుకున్న టైటిల్ ను మీ సినిమాకి ఎలా పెట్టుకుంటారు? ఈ విషయమై ఫిలిం ఛాంబర్లో కూడా ఫిర్యాదు చేశాం. చాంబర్ వాళ్ళు కూడా భవ్య క్రియేషన్స్ బ్యానర్ వాళ్ళ తో మాట్లాడారు కానీ మా సమస్యకు పరిష్కారం లభించలేదు. ఒక టైటిల్ రిజిస్ట్రేషన్ కి వచ్చినప్పుడు 21 రోజుల వ్యవధిలో వేరే చిత్రానికి ఈ టైటిల్ రిజిస్టర్ అయ్యిందా? లేదా? అని చెక్ చేసి మరి టైటిల్ ని రిజిస్టర్ చేస్తారు. మరి మేము రిజిస్టర్ చేసుకున్న తర్వాత భవ్య క్రియేషన్స్ బ్యానర్ వాళ్ళు ఎలా ‘హంట్’ టైటిల్ ని వాడతారు అని మేము ప్రశ్నిస్తున్నాము. మాకు న్యాయం కావాలి” అంటూ ఎగ్జిక్యూటివ్ ప్రొడ్యూసర్ తల్లాడ సాయి కృష్ణ ఆవేదన వ్యక్తం చేశారు.

అలాగే ఈ చిత్రం హీరో, డైరెక్టర్ నిక్షిత్ మాట్లాడుతూ “ఒక సినిమా టైటిల్ ని చాలా రాయల్ గా దొంగిలించారు. 2,3 నెలల నుంచి భవ్య క్రియేషన్స్ వాళ్ళని రిక్వెస్ట్ చేస్తున్నాను, హంట్ టైటిల్ మేము రిజిస్టర్ చేసుకున్నాము, మీరు టైటిల్ మార్చుకోండి అని. వాళ్ళు పటించుకోవడం లేదు. చాంబర్ లో కూడా కంప్లైంట్ చేసాం కానీ మాకు న్యాయం దొరకడం లేదు” అంటూ ఆవేదన వ్యక్తం చేశాడు. అలాగే నిర్మాత నర్సింగ్ రావు మాట్లాడుతూ.. “మేము మా శ్రీ క్రియేషన్స్ బ్యానర్ పై ‘హంట్’ టైటిల్ ను రిజిస్టర్ చేసుకున్నాం. షూటింగ్ కూడా జరుపుకుంటున్నాం. సడన్ గా ఒకరోజు ‘హంట్’ టైటిల్ తో సుధీర్ బాబు గారి పోస్టర్ కనిపించింది.

వెంటనే భవ్య క్రియేషన్స్ వాళ్ళకి కాంటాక్ట్ అయ్యాం. కానీ వాళ్ళు సరిగ్గా స్పందించలేదు. చాలా సార్లు మాట్లాడటానికి ప్రయత్నం చేసాము. కానీ ఫలితం లేదు. చాంబర్ వాళ్ళు కూడా ప్రయత్నం చేశారు మాకు ఏమాత్రం న్యాయం జరగలేదు. మా చిత్ర ఆడియో రైట్ అమ్మటానికి ప్రయత్నం చేసాం కానీ హంట్ పేరు తో వేరే చిత్రం ఉంది మేము మీ చిత్రం కొనలేము అంటున్నారు. ఇదెక్కడి అన్యాయం. మాకు న్యాయం కావాలి” అంటూ ఎమోషనల్ కామెంట్లు చేశారు. మరి చివరికి సుధీర్ బాబు సినిమా టీం… టైటిల్ మార్చుకుంటారా? లేదా? అసలు ఈ సమస్యకు పరిష్కారం దొరుకుతుందా? అనేది తెలియాల్సి ఉంది.

కాంతార సినిమా రివ్యూ & రేటింగ్!

Most Recommended Video

ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!