కాజల్ కనుచూపుమేరలో సమంత ఎక్కడ…?

టాలీవుడ్ లో స్టార్ హీరోయిన్లుగా ఎదిగిన కాజల్, సమంత లు… తమిళంలో కూడా స్టార్ హీరోయిన్ లే అన్న సంగతి తెలిసిందే. అనుష్క, నయన తార తరువాత ఆ స్థాయిలో ఫాలోయింగ్ ఉన్నది కాజల్, సమంత లకే అనడంలో సందేహం లేదు. అయితే సోషల్ మీడియాలో మాత్రం కాజల్, సమంత లదే పై చెయ్యి. ఇదిలా ఉండగా… ఈ మధ్య కాలంలో కాజల్ హవా కాస్త తగ్గింది… సమంత రేంజ్ డబుల్ అయ్యింది అని అంతా అనుకున్నారు. కాజల్ సీనియర్ హీరోల సినిమాల్లో గ్లామర్ పాత్రలు చేస్తుంది. కానీ సమంత మాత్రం లేడీ ఓరియంటెడ్ సినిమాలతో వరుస హిట్లు అందుకుంటూ తన క్రేజ్ ను డబుల్ చేసుకుంది.

కానీ సోషల్ మీడియాలో మాత్రం కాజల్ .. కనుచూపు మేరలో కూడా సమంత లేదని తేలింది. ఇటీవల హీరోయిన్ ల ట్విట్టర్+ఫేస్ బుక్+ఇన్స్టాగ్రామ్ ల ఫాలోవర్స్ సంఖ్య ఎంతని సర్వే నిర్వహిస్తే… కాజల్ 42 మిలియన్ల ఫాలోవర్స్ తో నెంబర్ వన్ గా నిలిచినట్టు తేలింది. ఆ తరువాత రెండో స్థానంలో 28.5 మిలియన్ ఫాలోవర్స్ తో సమంత నిలిచింది. ఆ లిస్టు ను ఒకసారి గమనిస్తే :

1) కాజల్ అగర్వాల్ : 42 మిలియన్ ఫాలోవర్స్

2) సమంత అక్కినేని : 28.5 మిలియన్ ఫాలోవర్స్

3) రకుల్ ప్రీత్ సింగ్ : 27.5 మిలియన్ ఫాలోవర్స్

4) అనుష్క : 17.6 మిలియన్ ఫాలోవర్స్

5) తమన్నా : 15.9 మిలియన్ ఫాలోవర్స్

6) ఇలియానా : 15.5 మిలియన్ ఫాలోవర్స్

7) కీర్తి సురేష్ : 15 మిలియన్ ఫాలోవర్స్

ఏమైనా కాజల్… ఇండస్ట్రీ కి ఎంట్రీ ఇచ్చి 14 ఏళ్లు కావస్తున్నా…ఆమె హవా ఇంకా తగ్గలేదని తెలుస్తుంది. ప్రస్తుతం ‘ఆచార్య’ ‘ఇండియన్ 2’ వంటి బడా చిత్రాల్లో కాజల్ హీరోయిన్ గా నటిస్తుంది.